أعلنت الممثلة المصرية إسعاد يونس، عن تلقيها مكالمة من الممثل عادل إمام، طالبها فيها بتغيير اسمها من إسعاد يونس إلى إسعاد مصر، ما أدى بها إلى البكاء من شدة فرحتها بإشادته بها وببرنامج "صاحبة السعادة"، الذي تقدمه على شاشة cbc.

ونشرت يونس في صفحتها الرسمية على أحد مواقع التواصل الاجتماعي تفاصيل الحوار الذي دار بينهما على الهاتف، وجاء كالتالي: " الموبايل بيرن، إيه النمرة دي؟، ده الأستاذ، والنعمة هو، الزعيم عادل إمام بذات نفسه، يا حلوللي، – ألو، معقولة؟، التليفون نور يا زعيم، – يا إسعاد، – نعم يا أستاذ، – أنا عايزك تغيري اسمك، – أنت تؤمر يا أستاذ يا حبيبي، أخليه إيه؟، – تخليه إسعاد مصر، – يارب يخليك يا حبيبي، مخضوضة وصوتي بيحشرج بالعياط".

وتابعت المكالمة:"بتكلم بجد، إنتي ما بقيتيش إسعاد يونس، إنتي بقيتي إسعاد مصر، – ( عياط )، – أنا ما بفوتلكيش حلقة يا إسعاد، إنتي بتسعديني وبتسعدي مصر كلها، بقية الكلام جميل ورائع ومختلط بدموعي بجد، يا حبيبي يا حبيبي يا حبيبي، مش عارفة أقول حاجة غير كده، ومش عارفة أقول حاجة تاني لحد دلوقتي، كبيرة منك يا كبير، ربنا يخليك ليا ويبارك في كل لحظة في عمرك، بحبه يا ناس حب بحجم موهبته وكاريزمته وصموده وبكل دقيقة من أعوام العشرة الطيبة الجميلة".