لا تزال الردود على تصريحات شيرين عبد الوهاب النارية مستمرة، حيث حرص عدد كبير من الفنانين على التعليق على الأمر، معتبرين أنه "كلام غير مسؤول"، وعلق الشاعر بهاء الدين محمد على الأمر من خلال حسابه على "فيسبوك": "عزيزتي شيرين إنتي عارفة أنا بعزك قد إيه، ودافعت عنك كتير.. وفي المكان نفسه، اللي دافعت عنك فيه لحظة خلافك مع الفنان الملحن عمرو مصطفى، لازم دلوقتي أقولك: لأ.. وكفاية.. وصمت.. لأن عمرو دياب كيان كبير ومن الصعب تكراره.. ده غير إنه واجهة لينا وللوطن العربي كله".

وأضاف: "وحتى لو حصل خلاف معاه لازم يكون بشكل لائق وغير معلن..!؛ لأننا بالفعل عمرنا ما سمعناه ولا شوفناه بيغلط في حد أو زميل، ده غير إن ماحدش فاهم ولا عارف هو عملك إيه؟!! ودي المشكلة.. وانتي والكل عارفين إنى أكبر وأصدق من إني أجامل أو أنافق حد فيكم.. علشان كده لازم أقولك كفاية يا شيرين وخللي بالك وما تخسريش جماهيره اللي تجاوزت 90% من المجتمع العربي ويمكن أكتر.. والمطلوب منك الصمت لأن الوقت مش وقت اعتذار".

بدوره، علق الفنان والسيناريست عمرو محمود ياسين على الأزمة وما بدر من شيرين، من إساءة لعمرو دياب وقال عبر حسابه على موقع "فيسبوك": "ماكنتش عايز أتكلم عن الموضوع ده بس مش قادر من الآخر كده الناس لها الظاهر إحنا مش بنضرب الودع، عمرو دياب هو نجم مصر والوطن العربي وقصة نجاح تدرس، والموهبة لوحدها مش كفاية أن تصنع نجما أو نجمة، والهرتلة والعبط آخرتهم وحشة"، يذكر أن شيرين أثارت جدلا بعد هجومها من جديد على “الهضبة” وتأكيدها في مؤتمر صحافي لمهرجان قرطاج بتونس أن إساءتها له في حفل زفاف عمرو يوسف وكندة علوش كانت متعمّدة.