كشفت ابنة الفنان المصري شريف منير أسما، عن عيب في وجهها كانت تعاني منه، وتسبب كثيرًا في إحراجها، ولكنها قررت مواجهته وتحدي نفسها.
وذكرت أسما منير، عبر صفحتها الشخصية في موقع "إنستجرام": "أنا مناخيري كبيرة آه و ربنا شايف كده و خالقني كده و قالي كمان انه خلقني في أحسن تقويم، أتولد و كبرت و أهلي برضة شايفني كده قوم أيه الواحد يطلع في الدنيا مصدق إنه تمام يجي بقي الواقع يضربه علي مناخيره و فجًّأة تصدق الناس و تتكسف من عيوبك و تفقد الثقة في نفسك.. كتير بسبب إن مناخيري كبيرة كنت بفقد الثقة بنفسي و كنت بأقول لأهلي أني عايزه أعمل فيها عمليه بس ديماً كنت بخاف اعملها، و بعدين لما أتعلمت الميكاب و بذات الكنتور عرفت أصغرها بالميكب و ده زودلي الثقة شوية و بعدين أتعلمت أصغرها في الادتنج انشكحت أكثر، عشان الناس عنيفة في رأيها فا ساعات بيهزني و بتروضني فكرة العملية".
وأضافت: "لحد ما قررت أني أتصالح مع فكرة إن منخايري كبيرة.. لقتها ليقة علي وشي، ربنا شفها حلوة كده و أداني حاجات تانية حلوه في وشي... و فجأة حصلي حالة تفكير و افتكرت إني مش كاملة و إن عيوبي جزء مني و المفروض إني أتعلَّم أحبها عشان مش الأسهل إني أغيرها، تخيلت لو جالي لوحة من پيكاسو مثلاً هديه حتا لو معقده و فيها جزء مش عجبني مش هجيب فرشه و ألوان و اعدل عليها ، محدش هيعمل كده طب أيه بقي.. أنا لسة بتعلم أحب نفسي بس بشكل صحي مش مريض و قلت لازم ابتدي في علاجها باني أتكلم عنها بكل صدق و في تصالح بس كده"