سخر بعض رواد السوشيال ميديا من رد فعل الفنان محمود البزاوي الهادئ على مشهد انتحار ريهام "أيتن عامر" خلال الحلقة الخامسة من مسلسل "فرصة تانية" التي تم عرضها الليلة.
ردًا على السخرية التي طالت والده عبر مواقع التواصل الاجتماعي نشر المخرج أكرم البزاوي عبر حسابه على فيس بوك، موقفًا طريفًا حدث مع والده في الطفولة قائلا: " بمناسبة مشهد بابا وهو قعد على الأرض قدام أيتن عامر وهادي .. مرة زمان كنت بتقطع و بطني بتوجعني وروحنا مستشفى والدكتور أقنع بابا إني بطول وقعدت اتقطع بعدها تلات أيام و أبويا يقولي "كلها شوية وتبطل تطول وتبقى كويس يا حبيبي.. وروحنا نفس المستشفى تاني فالدكتور قاله "أنا مش قولتلك ابنك بيطول".
أضاف: "فبابا قاله "يعني كمان كام يوم هالاقيه بيخرق السقف وطالع على الجيران .. يعني أروح أقدمله يلعب باسكت ؟!" .. الدكتور اتعصب وقاله "خدوا مستشفى تانية وهاتشوف إن كلامي صح" .. المهم روحنا مستشفى تانية فالدكتور هناك قال لبابا "ده عنده الزايدة وكانت هتنفجر ! بابا من زمان وهو هادي في الكوارث".
مسلسل "فرصة تانية" من إنتاج شركة سينرجي للمنتج تامر مرسي، وإخراج مرقس عادي، ومعالجة درامية محمد سيد بشير، وتأليف مصطفى جمال هاشم، ويشارك في بطولته بجانب ياسمين صبري كل من أحمد مجدي ودياب وهبة مجدي وآيتن عام أحمد الشامي ونهال عنبر ومحمود البزاوي
قد يهمك أيضــــــــــــــــًا
- الفنان محمود البزاوي يصف تامر حسني بالنجم الكبير
- محمود البزاوي والد " روبي " في " أهو ده اللي صار"
.