الكمية تكفي
4 فرد

وقت التحضير
20 دقيقه

وقت الطهي
45 دقيقه

المقادير
_ كيلو لحمة مقطعة مكعبات .
_ 2 كوب أرز .
_ معلقة او معلقتين زيت زيتون .
_ معلقة سمنه / زبدة كما تشائى .
_ معلقة صلصة طماطم للتزيين .
_ فلفل اسود .
_ بصل مفروم .
_ ثوم مهروس للدقة .
_ خل للدقة ( الكمية زى ما تحبى )
_ كوب شوربه للدقة
رعيف عيش مقطع قطع صغيرة
_ ملح .
_ ورق غار .
_ توابل لحمة .

التحضير
_ نغسل الرز و نسلقة .

الطهى
_ نضع حلة على النار ونضع فيها البصل المفروم مع الزيت ونشوحه على النار لحد البصل ما يصفر
_ بعد كدا نضيف اللحمة ونشوحها مع البصل ونضيف الفلفل وتوابل اللحمة وورق الغار
ونوطى النار عليهم جدا ونغطيها ونسيبها على النار تتشوح 10 دقايق ونتابعها اول وباول وكل شوية نقلبها .
_ بعد كدا يا هنضيف 3 كوب ماء ونغطى الحلة ونسيبها تغلى غلوتين
بعدين نضيف الملح ونسيب اللحمة تستوى ولو تحبة ممكن تضيفى للحمة 1 طماطم مقطعه اربعه . ونسيبها تستوى
وبكدا نكون سلقنا اللحمة .

____________________________
_ نجيب قلاية ونحط فيها السمنه وبعدين نحط العيش بتاعنا علشان يتحمص كويس
او ممكن تحطيه فى صينية وتدخليه الفرن يتحمص .. زى ما تحبى
____________________________

طريقة تحضير الدقة :
_ نجيب كسرولة ونحط فيها الزيت والتوم ونشوح الثوم بتاع الدقة
ولما يصفر شوية هنطش عليه الخل وزى ما قلت كمية الخل زى ما تحبى
( انا مثلا مش بحب الخل عليها كتير ؛ لكن فى ناس بتحبه كتير عليها يعنى انتى وراحتك )
وبعدين نضيف الشوربة عليها
_ بعد كدا هنجيب صينيه او طبق ونحط فيه طبقة عيش ونحط على العيش طبقة ارز وفوق الرز نحط اللحمة
وبعدين نضيف الدقة بتاعتنا عليها . وبالهنا والشفا