شكل ابنتي يعتبر صفقة رابحة للحصول على المال

المشكلة : السلام عليكم ، بدي منكن استشاره ونصائح ومشكورين كتير ،، عندي طفله عمرها سنه و3 شهور قبل فتره صورتها مقطع فيديو وانتشر بشكل كبيير ع مواقع التواصل ،، بنتي مو جميله لاكن شكلها جذاب كتير اي حدا بيشوفها بيوقف ويبتسم لا او يحكي لنا ماشالله عليها مو جماال ابداً بس شكلها جذاب شعرها جججعد كتيير كتيرر واسود وهي بيضا لهيك طالع شكلا كتير غريب كأنها ممزوجه بين الافارقه والصينين بالبياض والعيون صغااار كتير والشعر جععد وكتير لدرجة لو مانقصو كل شهر ينزل ع وجهها متل المظله وهدا الشي بسبب مرض بالغدد والحمدلله مانو خطير وعادي ،، بعد انتشار المقطع اجتنا عروووض كتيره من شركات ومواقع لتكون مودل لعرض الازياء وفيه لعرض الاكسسوارات،، جوزي اقتنع كتير بالعروض وفيه منن مغري وبيقلي بدنا نحسن وضعنا ونعيش حياه متل مانتمنى ،، بس مابعرف حاسه حالي مردده انو ممكن يكون هالشي استغلال لبنتنا او للمرض اللي فيها ،هو بيقولي بدنا نجمع مبلغ ونعالجا فيه بعدين ونأمن مستقبلا ومستقبل اخواتا ، مابعرف اذا في حد مكاني ممكن يوافق ؟ وهدا الشي بعتبر استغلال للطفله وللمرض اللي فيها ؟ لو كان شكلها مو بسبب المرض ممكن اتقبل بس بسبب المرض مابعرف شيرو علي والله يعطيكن العافيه

الحل :انتي لا تستغليها فهذا من اجل مصلحتها هي فالمال العائد من المفروض ان يكون لها فهي صاحبته هي الموديل التي تستحقه فيمكن ان يكون هذا هبه من الله فمقابل المرض اعطاها محبه الناس والرزق فلا تحرميها منه من اجل معتقداتك انتي