رغم التغير الكبير في شخصيتي لكنهم مازالوا يعايروني بالماضي

مرحبا انا بعاني مشكله مع شخصيتي كنت اكرها وكان كلها صفات سلبيه وغير محبوبه ابدا واخرتني كتير بحياتي قررت اتغير وفعلا شوي شوي، بلشت اتغير واصير ايجابيه والحمدلله حاسه في تطور كبير وان شا الله رح اوصل للشي الي بدي اياه مدامني،مصره سبب كلامي أو مشكلتي انو لما احكي مع أي حد كان يعرفني زمان وخصوصي خواتي بتعاملو كأني فلانه القديمه وانا اكتر من مره اطنش وبس اشوف مافي نتيجه احكي خلص هاد الموضوع بيدايقني او رحت اتبرع بالدم بيحكو ااه زمان كنتي تتخوتي ع الي بيروح والله يرحم بتدايق كتير وبسكت او بغير الموضوع ل شي تاني بس كل مره بقعد مع خواتي مش راضين يتغيرو اتخيلو ٥ سنين وانا جد حاسه حالي صرت حد تاني بس همي بيضلهم يذكروني كانو انا نفسي امبارح هاد الموضوع مجنني امبارح بحكي مع اختي بموضوع بدي اروح ع الصالون اغير لون شعري كتير نفسيه وفعلا تغير الشكل وترتيبه بيرفه عن الواحد وبيخلب جواتك حد فرحان ومبسوط بتحكيلي لله يرحم انتي المعفنه صرتي بدك تتغيري خلي التغير ل غيرك هاد الي ناقص طبعا حولت الموضوع وغيرته وفتحنا موضوع تاني بس اقسم بالله ما اعرفت انام انو خلص المفروض انتي، يا اختي تساعديني اتغير والتطور ليش بتشديني لتحت؟؟ ليش بتعطيني طاقه سلبيه وكلمات سلبيه المهم ما اعرفت اناك واليوم كتير متدايقه للعلم بحكي مع خواتي كل أسبوع مره او مرتين بحكم اني متزوجه بس اي موضوع لازم يعايرني للعلم انا مو حساسه والله بس حطو حالكم مكاني ؟ شو الحل مع هيك عالم سلبين؟

اهلا بك يا ابنتي ويجب ان تتكلمي مع اخواتك ويجب ان لا تتغافلي عن هذا الموضوع بالتحديد وتكوني حاسمة ان التغير حصل وانك لا تريدين اي تذكير بتلك الايام وان هذا الكلام يزعجك، اعلمي ان هذا نوع من انواع التنمر عليك فلا تقبلي به وكوني قوية ولا تسمحي لاحد بالتنمر عليك لذا تعلمي قول لا وقول توقف لو سمحت كلامك يزعجني او لا اريد ان اسمع المزيد وهذا ياتي من رفع نظرتك الذاتية مقارنة باقرانك، ولا تكوني سهلة بل ترفعي قليلا عن المواقف المحرجة، وحاولي ان تظهري اكثر ثقة بنفسك، وتغافلي وتجاهلي عن كل ما لا يعجبك ولكن لا تحجبي نفسك واشعري اكثر بالراحة مع ذاتك وليملأ السلام الداخلي قلبك وقابلي نفسك واحبيها واجعلي اخلاقك تتالق في سلوكك ومبادئك التي لا تحيدي عنها وارسمي ابتسامة دوما على محياك، وكوني حاسمة مع اخواتك ولا تصتلي بهن ان لم يتفهمن مشاعرك وكلامك، كوني قوية وعبري عن ذاتك وارفعي ثقتك بنفسك وربي يوفقك