اشعر بالوحدة واريد ان يحبني الناس

انا عمري ١٦ ، وانا الحين في اول ثانوي ،وماعندي اخوياء وماعندي احد يساال علي ويدق علي ،ودايم اشوف الي مثل عمري يجتمعون ويطلعون ،وانا نفسي اطلع معهم بس ماعندي اخوياء مثلهم ،وابغى امشي معهم بس اني مااعرفهم ،واحس كل الناس يكرهوني ويجاملوني ، ويوم كنت في ثالث متوسط وثاني متوسط كان عندي اخوياء كثيرين من برا المدرسة واطلع معهم كل يوم ،بس الحين مااعاد عندي احد ، حتى بالويكند ابغى اطلع بس مافي احد يطلع معي ، حتى اذا طلعت بالسياره اطلع لوحدي واحس اني اذا كلمت احد بيصرفني ،، وانا ماابغى اكون نشبه وسامج ومكروه، ابغى الناس تحبني ،،واشوف في السيارات اقل شيء فيها ٢ اخوياء الا انا لوحدي ، ابغى اخوياء يوقفون معي بس ماعندي والله ، حتى احس لو صار لي شيء مااحد بيسال علي ولااحد فكر فيني ،، واذا مشو معي احسهم شهرين او شهر ويطفشون مني ويكرهوني وااقسم بالله اني ماسويت شيء لاكن كذا احسهم يملون مني ،احس الناس يكرهوني كذا ماادري ليش ، وفيه بعضهم يحبوني فجاءه ويكرهوني فجاءه ، والله انقهر وابكي على نفسي اذا شفت ناس متجمعين مع بعض وانا لوحدي والله انقهر واقول في نفسي ايش ناقصني ،والله شيء يخليني ابكي ..

عزيزي، من الطبيعي في عمرك ان تحتاج لبعض الوقت لتبني صداقات طويلة الامد، ليس مهما ان يكون لك أصدقااء بل ان يكونوا أصدقاء جيدين وصالحني ومخلصين. يمكنك كسب صداقات الناس ومحبتهم والتخلص من الوحدة باتباع النصائح التالية: - اولا باجتهادك وعلمك الذي سيدخلك الجامعه وبعده العمل الذي ستنجح فيه وتتفوق . الناس تحب الناجحين والمتفوقين . تفاءل واجتهد وافرح وابتسم فالناس تحب ان تصاحب المتفائلين والمبتسمين للحياه.- ابحث عن أصدقاء جدد في النادي الرياضي أو في المدرسه ، اهتم بأصدقائك واستمع اليهم وكن لطيفا معهم. - تطوع في الجمعيات الخيرية واشغل وقتك بهوايات ونشاطات ثقافية واجتماعية مختلفة وبذلك تتعرف على أشخاص جدد وتجمعكم اهتمامات مشتركه.اخيرا، كن بسيطا في تعاملك مع الآخرين ولا تتكلف او تتغطرس او تتفاخر عليهم، بادر في التعرف على الآخرين دون خجل وحادثهم في أمور الدراسة والرياضة واهتمامات جيلكم.