ولدي بيضيع مني والسبب

المشكلة: زي اي عائله صغيره .. انا رجال اشتغل وظيفه عاديه ومستقر بحياتي وعندي ٣ اولاد وبنت وكاف خيري وشري وكل حياتي من البيت للشغل للمسجد والعكس وربي رزقني باولاد مب راعين مشاكل ومهتمين بدراستهم ولاقد سببوا لي مشاكل مع احد. عيالي الكبار ماعليهم كلام الا الصغير عمره ١٦ سنه ومجننا انا وامه، كل يوم طالع لنا بسالفه جديده من سياره جديده الى سهرات الى روحات ومصاريف زياده وقبل فتره اكتشتفت انه يدخن بعد والي يذبحنا انه مايفكر فينا ولايعطينا اي اعتبار ويشوفنا بنك متحرك بس. تعبت اتكلم وانصحه انا واخوانه لكن مافيه فايده حتى المدرسه دايم يدقون يشتكون منه ومن بلاويه واخرتها فصلوه وقعد مقابلني بالبيت.ولدي ماكان كذا في فتره قصيره انقلب لولد ثاني. هذا كله كوم والمشكله الاكبر لما جاتنا الشرطه البيت تبلغنا ان الولد بمركز الشرطه ممسوك هنا انقلبت الدنيا فوق تحت عندي ومعاد ادري وين اروح. لما رحنا مركز الشرطه اكتشفت ان ولدي ممسوك بسبب تفحيط مع شباب ومسوين ضجه وازعاج بالحاره قدرنا نطلعه بواسطه من الشرطه بعد مادفعنا كفاله ورجعنا البيت. من لما رجعت وانا مانيب طيب ومدري وش اسوي معه،، اذا حبسته بينحاش مني واذا خليته بيخرب زياده.

الحل: انت استعجلت باخراجه من مركز الشرطة وبكفالة كان المفروض يعاقب على فعلته لبضعة ايام ويدفع الثمن لان هذا الاستهتار وراءه ارواح ناس. ضيق عليه ولا ينفع معه الا العقاب والحرمان من مصروف وابعده عن اصدقاء السوء