لا أستطيع التركيز في دراستي بسبب معاكسات هذا الشاب

أنا طالبة بالثانوية ومن الطبيعى أن أخرج يوميا تقريبا للدروس الخاصة هذا روتين يومى بالنسبة ليه وبمشى من نفس الطريق كل يوم لكن من خمسة شهور تقريبا ظهر شىء غريب فى حياتى أصبح هناك شخص يعكر صفو حياتى، هناك شاب يقول أنه يحبنى ويريد أن يصاحبنى فى الأول كنت فاكرة إنه واحد بيعاكس وخلاص لكن ده مصيبة كبيرة فهو كل إما يشوفنى وأنا ماشية يدنيه يقول بحبك وحشتينى مش بتردى عليه ليه، أنا بتجاهله تماما بس هو مستفز جدا انا قلت لبابا أنو فى شاب بيدايقنى على طول وبابا اتعصب جدا وكان عاوز يروح يضربه لكن ماما قالتله أن الناس دول بتوع سحر والكلام ده يعنى فخايفة أنو يعملى سحر وأنا فى ثانوية، قلت لزملائى على الحكاية دى وقالوا ببساطة غيرى الطريق الى انتى بتمشى فيه وفعلا عملت جدا كنت بمشى من طرق طويلة جدا علشان ما أمرش بطريق اللى هو فيه لكن فى مرة وانا ماشيه فى الطريق الطويل ده قابلنى بعربية وبيقول ما تيجى تركبى أوصلك أنا ما ردتش عليه، فى مواقف تانية كتيرة اوى يعنى مثلا وأنا مروحة لبتنا شوفته وقال ليه الايام الى بشوفك فيها بتبقى اسعد أيام فى حياتى، واحد مستفز فى كل حاجة، وفى موقف تانى وانا ماشية افتكرت موقف فضحكت فى السكة ففتكر منى بضخكله وافتكرنى بحبه، أنا خايفة اتكلم معاه وأقوله يحل عن سمايه وإنى بكرهه الناس تفتكرك الى انا اللى بحبه وكنت بكلمه قبل كده همه اصلا فاكرين كده علشان الشاب ده إما بيقول بحبك والكلام الهاطل ده بيعلى صوته اوى فكل اللى فى الشارع بيسمع سؤالى أنا أعمل إليه وهل أنا غلطانة علشان ما ردتش عليه وبهدلته من الاول وإزاى اخليه يبطل يضايقنى علشان انا هاتجنن ومن عارفة أذاكر بسبب الموضوع ده وحاسة إنو سمعتى اتشوهت بسببه أرجوكم ساعدونى وقولو لى أعمل إيه؟ وشكرا

اهلا بك يا ابنتي واسمعي اولا لا يستحق ان تعطيه اكبر من حجمه، والضرب ليس حلا المرة القادمة خذي احد يمشي معك مثل اخ او اب، لعله يخاف يستحي على دمه، اياك ثم اياك ان تتكلمي معه، واشعر ان نظراتك له قد تشجعه على ملاحقتك، اهمليه واتركيه ولا كانه موجود ، تابعي طريقك وركزي في دراستك، لانه لو انشغلت بالتفكير به يعني لك خاطر بتطوير العلاقة معه، شخص يرمي كلمة اعتبريها لغيرك، كلامك عنه جعل له قيمة في تفكيرك وربما في قلبك، احذري ان ترمي بنفسك بالنار، كوني قوية وركزي على مستقبلك وحياتك وربي يوفقك.