الظروف المادية تقف عائق أمام دراستي

السلام عليكم انا طالبة جامعية لأسرة متشدده جداً واعاني من إمكانية مادية محدودة ووالدي يرفض العمل اختلاط رغم انه يخليني اصرف على نفسي من المكافأة والمواصلات والى اخره وانا كنت صابره والحمدلله لكن اسعار السواقين بدأت تغلى وبعد البيت عن الجامعة والكتب والطلابات والمصاريف وانا والله مااكول عشان اوفر ولا ابغا اكول لكن ضاقت علي حتى على الضروريات ودورت وظيفة ولقيت لكنها اختلاط ومقابلتي بكرا وخايفة جداً من والدي واخوي رغم انهم مايعطوني ولمن يعطيني والدي يخليني ارجعها ولا يسأل اذا محتاجه شي او لا اعطوني نصيحه تفيدني انا محتاجه المادة وفي نفس الوقت خايفه اش حيسو فيني وفي نفس الوقت احتمال مقدر اكمال جامعة بسبب المواصلات ماعندي فلوس لها والدي احب ماعلى قلبه اترك الجامعة واقعد في البيت نوروني الله ينور طريقكم ويفرج همكم

اهلا بك يا ابنتي وربي يوفقك ويفتحها عليك من اوسع ابوابه واعلمي ان طلب العلم جهاد وانت حقا تجاهدين ولكن لا تبتأسي ولا تشعري بالضيق ووالدك له رب يحاسبه فلا تجعلي مشاعرك سلبية تجاهه واقبضي على قلبك ومشاعرك لتبقي ايجابية وكافحي لتحققي هدفك، ولا تقنطي من رحمة الله، حتى لو اضطررت طلب المعونة من زميلات وصديقات وحتى لو طلبت مساعدة من شؤون الطلبة في الجامعة، ابحثي عن وظيفة في الجامعة، ساعدي الطالبات بالدروس الخصوصية، فكري باي طريقة تملأي فيها وقتك وتستفيدي من مبلغ يعينك في الجامعة، اطلبي من الاستاذات ان كن بحاجة لمساعدة في امور مكتبية، فكري باي امر وانا مع دوام الجامعة والبحث عن وظيفة فيها مهما كان نوعها لانها لا يوجد فيها اختلاط وستكون في وقت الدوام ولا تحتاجي لمواصلات، وان حصلت على هذه الوظيفة ان شاء الله يتحسن وضعك. ابنتي جربي التشارك مع زميلات في المواصلات وان كان هناط طالبة قريبة من بيتك نسقي معها لعلها تأخذك بدون مقابل وتعتبره دعم، اسمعي كوني قوية وانت تطلبين مساعدة لأجل الحصول على شهادة وليس ترفا ولا بخلا وان شاء الله بعد ان تتخرجي تجدي وظيفة وتردي لكل صاحب حق حقه او تكافئيه، ولكن يمكن ان يعملوا لك معروف وتعملي لهم معروف بطريقة اخرى في ذات الوقت تشجعي وفكري بايجابية وجدية واكثري من الدعاء ولا تغضبي والدي وبري به فرضاه مفتاح رزق وربي يوفقك.