زوجي يعنفني ويعاملني بقسوة ويسجنني في البيت، ماذا أفعل؟

المشكلة : زوجي يعنفني ويعاملني بقسوة ويسجنني في البيت ماذا أفعل؟ اهلي كانو رافضين انه يزوجوني له لأنه أكبر مني انا عمري 21 و هو 33 ولأنه انا من بلد و هو من بلد عربي آخر، انا (م) و هو (س) اهلي رفضوا قالوا ما نبغى بنتنا تروح معك ل بلدك خلها هنا لا تاخدها معك المهم هو رفض و قال إذا تزوجتها راح اخدها لبلدي و بعد ضغط على اهلي خلتهم يوافقون عليه لاني كنت اموت عليه المهم جيت معه و من اول يوم وصولي لبيتي الجديد، قعدني قدامه وقالي انا و انتي راح نسوي اجتماع ضحكت انا و اخدت الموضوع ببساطة ما كنت اعرف انه كل المواضيع اللي تطرق لها راح يسويها إذا خالفت شروطه أو ب الأحرا قوانينه كان أول شرط من شروطه اني اتنقب و احنا كنا قبل زواج متفقين مراح اتنقب ورغم ذلك وافقت قلت زوجي و من حقه يغار علي، وقال مافي طلعات وافقت قلت أفضل لي لأنه انا ف بلد غريب علي،قال كلمتي تنفيذ وبدون ما تسألين اي شي اطلبه يتنفذ، انا الأمر الناهي هنا، انا طبعا استغربت ليش يقول كذا و احنا تونا متزوجين، المهم مرت 3 ايام من وصولي ل (س) كان هو ف دوامه اتصلت عليه و قلت له أنه اختك جات لعندي وقالت لي يلا نطلع قال عطيني اختي اكلمها، وكلم اخته و قال لها اطلعو بس لا تتأخرون، وفعلا طلعنا و اول ما رجعت للبيت لقيته في انتظاري و حزامه ف يده ونهال علي بضرب من قوة صدمتي ما قدرت اسأله ليش و كان يضربني و يسب بكلام جدا قبيح يقول ليش تحطيني أمام الأمر الواقع المهم من بعد هاذ العلقه صار يسب طالع نازل و فيوم كنت انا ف المطبخ ناداني وانا ما سمعته جا و قعد يكفكفني ف المطبخ يقول ليش تطنشين و كان كل مره الضرب يزيد و آثار الضرب تزيد فجسمي و بعد مرور أكثر من 8 شهور حملت ( انا طبعا كنت رافضة فكرت الحمل لأنه كنت عارفة انه هاذ العلاقه مراح طول) ، لما عرف اني حامل صار أخف ضرب و انا كنت مبسوطه قلت شكله ربي حنن قلبه علي، المهم فيوم من الايام كنا انا و هو فبيت أهله كنا كلنا مجتمعين كل إخوانه و زوجاتهم المهم طلع اخوه لحديقة البيت و بصدفه شافني هاذ اخوه شخص متشدد ف الدين، راح اخوه لعنده وقال شفت وحده من زوجاتكم واخده راحتها برى وهيا تعرف انه البيت فيه رجال و قال له راح تكون زوجتك (يقصدني انا) جا زوجي عندي قال اللبسي ويلا قدامي لبست انا و طلعت و انا ارجف لاني شفت الشر فعيونه عرفت انه اليوم مراح يعدي على خير، وصلنا للبيت و هو ما يكلمني، اول ما دخلنا قال افسخي كل ملابسك نفس ما انولدتي و تعالي عندي انا نفذت اللي قاله وانا بمووووت من الررررعب طلعت عنده للصاله قال اقعدي على ركبك، قعدت و جاب سلك الكهرباء و بتدا يضربني فيه، طبعا انا كنت بحس انه انفاسي بتنقطع من قوة الآلام المهم ما وعيت على روحي إلى وانا ف المستشفى تقول الممرضة انك كنتي ف حالة نزيف حاد و فقدتي الجنين انا مت لما سمعت انه ابني مات، جا هو لعندي للمستشفى وقعد يعتذر... انا قلت له طلقني وخلني ارجع لأهلي قال كل شروطك انا موافق عليها بس ارجعي معي لليت عشان نتكلم و تاخدي أغراضك و احجز لك اقرب طياره، رحت فعلا معه للبيت اول ما دخلت سكر الباب بالمفتاح و قال راح تطلعي من هاذا البيت ف حالتين يا انا ميت يا انتي ميته و حبسني ف البيت بدون جوال لمدة أسبوع بعدها انا قعت اكسب استعطافه و افهم اني لسه بحبه رغم كل شيء صار، قلت له كذا عشان يخليني اكلم اهلي على الأقل و فعلا خطتي نجحت و كلمت اهلي و رغم اني مغطيه كل جروحي ب الميكب أمي حست اني مش بخير قالت شنو بيسوي فيكي انا طبعا نكرت و قلت لها انا جدا مبسووووطه معه.. ، امهم انا للآن انا ف نفس الحالة و الحين قاعد يهددني انه بيلفق تهمه لأخي إذا أنا فيوم فكرت اهرب و للآن بيضرب بيسب و يسجن... انصحوني لوجه الله انا تعبت

الحل : هذا انسان لا يخاف الله ولا يستاهل تعيشين معه يوم واحد حاولي تخلصين اخوك اولا ثم انتي وانتبهي تحملين من مره ثانيه