كيف للأمان أن يعود لقلبي

المشكلة: انا متجوزة من 15 سنه وانا وجوزي بنحب بعض رغم أني مكنتش اعرفه بس اول ماشوفنا بعض تاني يوم جه خطبتي وكان ليه علاقات كتير قبل الزواج واتخطبنا 5 شهور فقط كان بيشتغل ليل نهار علشان تتجوز بسرعه ومن فترة حوالي 4 أو 5 شهور بقينا بنتخانق كتير ونتصالح يمكن انا عصبيه شويه مابنكرش بس والله من ضغط الاولاد انا عندي ولدين والمذاكرة وهو في النقطه دي مش بيشارك كتير حتي لما بيضايقوني وهو قاعد ممكن يتدخل مرة وعشرة لأ المهم اني كنت تعبانه وعندي نقص حديد وكنت لازم اعمل عملية (بواسير ) بس كان لازم ارفع نسبة الحديد الاول فاكنت بروح اخد جلسات حقن في المستشفي ويمكن دا من الحاجات اللي كانت تعباني اكتر المهم اليوم دا كان واخد إجازة علشان يجي معايا رايحه اجيبله الموبايل لقيت واحده زميلته بعتاله محتش ليه النهارة مستخسر فيا اشوفك الإجازات دي بتاعتي انا المهم رديت عليها علي اني هو وقولتلها مفيش تعبان شويه قعدت تقولي نفسيا ولا جسديا قولتلها نفسيا ردت ليه كدا بس يا حبيبي ونفسي نسافر مع بعض نروح مكان. فيه بحر المهم واجهته وانا منهارة لاني عمري مهما حصل مكنتش اتوقع ابداااااا كدا منه قالي دي واحده خرابة بيوت المهم كلمتها وبهدلتها قالتلي احنا زمايل والله مش اكتر وفضلت تكذب قولتلها هافضحك قعدت تقولي سامحيني وحرام عليكي اولادي اه معلش نسيت اقول انها اكبر منه بحوالي سنتين وعندها اربع اولاد الكبيرة في كليه وكانت قبل كدا كذا مرة الاقيها بعتاله اغنيه وصوره فيها كلام حب واتخانقت معاه قالي والله هي اللي بتبعت اانا براعي ربنا فيكي دي واحده متجوزة ومعاها اولاد واكبر مني وصالحني واقعدت أقوله عمر ما واحده هاتبعتلك كدا الا لو انت مديها المساحه لكدا وبرضه جه من اربع شهور عمل اكونت عالفيس بوك باسم واحده ودخل بعت كذا ريكوست لبنات لولا اني برضه اكتشفت دا سبحان الله قدرا وكانت برضه مشكله كبيره وقعد يعتذرلي ويقولي انا اسف انا عمري ماهاسمح للشيطان يخرب بيتنا دي غلطه وندمان وكلام كتير وسامحته بعدها تخيلوا يجي بعدها بأربع شهور اعرف موضوع زميلته دا والمشكله أنه جوزي مش اول واحد دا كان ليها علاقة برضه مع اتنين تلاته قبله وواحد منهم كانت فضيحه في الشغل ولقيتها بعته لجوزي صورة بالليبي دول والسرير مخطوط ليه المصحف والمصليه لا وفي الشغل تقعد تنصح الستات بلاش تلبسوا بنطلونات وقال الله وقال الرسول المهم جدانا كبرت الموضوع المرة دي وعرفت اهلي وأهله وكنت طالبة الانفصال قعد يعيط ويقولي انتي ربنا بعتك ليه علشان ترحعيني عن اي حاجه غلط بعملها وسامحيني ومتهديش بيتنا وأهله كلموني وكان بيبان في العربيه في الشارع تحت البيت علشان مايبتش بعيد عنا علشان مكنتش بخليه يبات في البيت ولما واجهته وقعد حكالي على كل حاجه قالي أن هي اللي كانت بتقعد كل شويه تكلمه وتقوله انها في مشاكل مع جوزها وبعدين تكلمه تقوله مش تطمن عليا وطبعا. هو كمان ابتدي يقوله أن كان فيبينا مشاكل وتقوله معلش كل الستات كدا انتوا متخلين وخرجها في مكان انا وهو كنا علطول بنروح نفطر فيه وقالي هي اللي قعدت تزن لما عرفت اننا بنروح نفطر هناك هو خرج معاها حوالي ٥ مرات ومرتين شبه علاقه في التليفون وهو اقسملي أنه هو دا بس اللي حصل المشكله اننا اتصالحنا بقالنا حوالي شهر ونص بس انا مش قادرة اديله الامان وكل شويه الاقي نفسي منهارة في العياط مش قادرة أتخيل فكرة أنه يعمل كدا ابدا وهو بيحاول يراضيني دائما بس انا تعبانه جدا زحتي لما بساله ليه عملت كدا اللي كان بيحصل بينا زي اي بيت ميستاهلش انك تعمل فيا كدا ابدا يقولي والله هو شيطان وانا لحد دلوقتي مش مصدق انا ازاي عملت كدا انا وفي مرة لما حصل الموضوع تاني يوم اتصلت بيها كنت عايزة اعرف الموضوع حصل ازاي لانها قبلها بيوم كانت هاتبوس أيدي علشان انزل اقابلها كانت خايفه اروح الشغل وافضحها لقيت اختها بتكلمني وتقولي عايزة ايه انا عارفه انك يا عيني عماله تاكلي في نفسك ومحروقه اوي صعبت عليا نفسي جدا وانا كنت بسجل كل المكالمات بعتهاله راح مهذا زميلته دي وقالها لو انتي ولا اختك كلمتوها تاني انا اللي هادخل للمدير انا مش عارفه اعيش حاسه اني تعبانه وساعات بكون مبسوطه مش عارفه حاسه اني تايهه علي فكرة هو بيحب أولاده جدااااا وعارفه أنه بيحبني بس مش قادرة تسامحه وانا علي فكرة الحمد لله صغيره وجميله واللي يشوفني مابيدنيش سني خالص وهي غير كدا نهائي يعني شكلها جنبه أخته الكبيرة والله وشكلها عادي جدااااا هو حتي لما يبصلها يقول أستغفر الله العظيم مش مصدق نفسي والمكان بتاعنا اللي وداها فيه تخيلوا انها جاتله عند المترو اللي قريب من بيتنا وعدي عليها بالعربيه وراحوا ولما بيحكيلي بيقولي دي كانت اكتر لحظه حسيت فيها اني ندل لان المكان دا رغم أنه كبير جدا بس من كتر مابنروح نفطر هناك ناس كتير هناك يعرفوني ومرتين ركبت معاه المترو وهو مروح توصلوا وترجع تاني

الحل: السلام عليكم زوجك تعرض للاغراء واستجاب له مع الاسف وطبعا هذا غلط كبير ولا عذر له ولكن احيانا الملل او الفضول او بحث عن التسلية واحيانا يفكر ان هذا الامر لا يسئ اليك ولا يفكر كيف هذه التفاصيل الصغيرة ممكن ان تكون شديدة الايلام،،انا اشعر معك واشعر بصدمتك به ،، طبعا ستحزني لفترة وستغضبي وستجدين السماح صعبا ،، ولكن الواضح انه يحبكم وانه اخطأ ويريد اصلاح الخطأ فحاولي ان تنسي المسامحة هي الاستمرار ولاتعني النسيان الكامل فحاولي ان لا تفكري وتعيدي في الموضوع حتى لا تتألمي الحياة ستستمر ولكن بها ندبة مع الاسفة تقبلي التدبة بدل ان تفقدي حياتك اعتبريها عملية جراحية تركت فيك اثرا ولكنها لم تقتلك،، بالعكس كوني اقوى الان ركزي على نفسك وكوني انت محور حياتك وليس هو ،، اذا كنت ترعينه تسعون في المائة خففي الى سبعون او اقل كنوع من العقاب له وارضاء الذات لك،، لا تفكري بالذي جرى كيف ولماذا ولا تتصلي بها فهي لا تستحق اهتمامك،،هي ستدفع الثمن يوما