ما زلت عروس وزوجي يخبرني أنه سيتزوج علي

السلام عليكم انا بنت عمري ١٩ وانا صاحبة قصة ''أخوتي يشهرون بي و يطعنون بشرفي'' المهم انا قد قلت لكم بأن بعد السالفه التي حصلت لي من ظلم ومعانها الحمدالله على كل حال ببعدها خطبني أبن خالتي عمره ٣٢ وهو مطلق قبل وزوجته هي اللي طلبت الطلاق للأمانه انا كنت اكررهه كررهه شديد بدون سبب وكنت مو مرتاحه له وكنت حاسه ان خلفه شئ لكن قررت اني اتزوجه وملكنا وبعدها بسنه والتي هي (هذه السنه) تزوجنا وبأول ليله معه قال لي بأنه لايحب السفر ولايحب كثرة الخروج للسوق ووقلت له اوك لم اعتقت لهدرجة مافي سفر شهر عسل، تخيلوا شهر عسل مافي وطلعات نتمشى ماااافي ابداً وفاتحته بالموضوع قلت له مايصير كذا ايش هذي الحياه لاطلعات ولاسفرات فقال لي اذا مو عاجبك طقي راسك بالجدار انا ماتزوجتك عشان السفرات والطلعاات وعصب علي وقلتله مافيها شي كل المتزوجين طلعوا واستانسوا الا انا شمعنى وعصب علي وقالي طلعات مافي وسكتت وصبرت لعله يتغير ودايم يفاتحني بموضوع انه بالمستقبل بيتزوج علي وانه شي عادي وطبيعي ودايم يكرر علي هالموضوع ودايم انقهر وابكي يعني حنا تونا متزوجين لنا ٣شهور تفاتحني بموضوع انك تبي تتزوج ليشش ياحقير؟؟ ودتيم يقولي اسمني احب يكون الجسم مليان وانقهرر اكثرررر منه واتحمله يعني حبني للذاتي مو للجسمي والله قهرر مو مجاملات!! وانا عايشه مع اهله ولي غرفه فقط واعاني من امه واخواته يعني امه تحاول تسيطر علي وتهاوشني بان اخلع الجلال(خمار يكون نص الفخذ يغطي لان يكون عندي اخوانه) وانا استحي يبين شي من جسمي عند اخوانه وكنت اقول للأمه لااريد وانا مرتاحه هكذا كانت تهاوشني بان اخلعه وقالت لي باني خبله فقلت لها ماعمر صار الستر خبال وهي عصبت علي وهاوشتني امام اولادها وانا ضحكت وسكت وصارت ماتكلمني وطنشتها ماغلطت عليها ابداً ودائم أمه اذا رأت زوجة ابنها الاكبر تمر من امامنا تعلي صوتها لكي تسمعها زوجته وتقول لي خليك نفسها ماشاءالله عليها ودايما تكرر هذي الكلام علي ورغم انها تكرهه زوجة ابنها وتحش فيها وانا مو مقصره معاها بشي ابداًوكل وحده فينا بحالها واذكر مره كنا متجمعين وأمه كانت تقرص عينها للأبنتها ولفت علي وقالت لي جيبيلي غرض من المطبخ وانا لما قمت للأجيبه لها فقالت لي لالا خلاص اجلسي انا اخلي بنتي تجيبه(فأنا فهمت بانها تعمدت تفشلني واكون زي اللعبه بيدها فقلت لها لاعادي اصلا انا بروح للمطبخ وهي انقهرت وسكتت لانها رأتني باني انتبهت لها لما قرصت عينها وانا رحت للمطبخ وطنشتها وحتى بناتها وزوجة ابنها لما انا اسولف بموضوع يطنشوني مايردون علي رغم ان بناتها يكونوا بنات خالتي لكن ماادري ليش يتصرفن معاي كذا ودايم يقطن علي كلام ونغزات علي واكتشفت بأن زوجي يحب فتاه ودايم يصور اغاني لها بسناب ويكلمها وانا متأكده من هذا الشئ وواجهته وتفاجئ بأني عرفت وبالبدايه كان يضحك ويحاول يخبي ضحكته ويحاول يتكلم معاي بجديه وقالي انا مااحب وكذاا قلت لاتنكر ياكذاب وتمثل علي المهم انا تعبت معاه ومع اهله يعني هو يقولي مافيه طلعات ولا سفرات واذا مو راضيه طقي راسك بالجدار وحتى لما رحت للاهلي وقعدت عندهم يوم واحد وكنا بنرجع للمدينتنا قلت له لازم اشتري هدايا لهم ضحك وقالي ماله داعي وكذاا وبعدها دق علي وقالي بجيب لهم هدايا وراح ارسل عليك صور وانتي اختاري وانا بجيبهم المهم انا اخترت وقلت له بقى اخوي ابختار له المهم هو عصب وصرخ علي بالجوال وقالي شوفي انا ماني شغال عند ابوك وماني على بنك قلت له طيب مايصير اجيب لهم واخوي ماجبت له قالي ماني شغال عند ابوك وهذي اخر مره تقوليلي ابجيبلهم هدايا مو كل مره نجي عند اهله تقوليلي تبين هدايا لهم قلت لهم طيب هذي اول مره ازورهم من بعد زواجي لازم اجيب وصرخ علي وقالي كلام قذر وانا قلت له خلاص اجل شكرا ماابقى منك شى وسكرت بوجهه وهو يتكلم وبعدها ارسلي اني راح اندم على فعلتي قلت له اي يلا خلني اندم وسكرت وبكييت بحرقه من كلاامه ونمت من القهر وبعدها جاب لي الهدايا وقالي اني انا غلطانه ونسى كلامه وسبه علي ومشيتهاا وبعدها رحت للأهلي للمره الثانيه وعطاني مصروف ١٥٠ لانه يقول ماعنده شي وهو رجع عشان الحجر وكذا المهم قعدت اسبوعين لانه حجر وراحت الفلوس ماكفتني ابداً وبعدها احتجت اغراض من الصيدليه وطلبت من برنامج لهم لكني ماأكدت الطلب عشان اضمن ان يكون عندي فلوس ودقيت عليه وقلتله اني محتاجه فلوس قالي ليش شعندك قلت بشتري اغراض قالي ايش اغراضك قلت من الصيدليه وقالي ايش هن عدديهم وقلت له كل شي وقالي انا اشتغل عندك كل مابتقوليلي يعني بسويه لك بعدهااا قالي كم سعرهم قلت له ٢٢٨وهو قعد يضحك علي ويضحك علي بشكل هستيري وكأني مصخره عنده او اني قاعده اكذب عليه المهم انا على طول سكرت بوجهه ودق علي مرتين ومارديت المهم قررت بالليل اني انفصل عنه خلاص طابت نفسي منه ورحت وكلمت ابوي عنه وقالي براحتك ماني غاصبك عليه وبعدها ارسلت له رساله بمعنى اني ماابغاك وتعبت منك خلاص بعدها دق علي اليوم الثاني وقالي ايش الرساله قلت اول ايش هالاسلوب اسلوبك اللي امس والله ان اسلوب الطفل افضل منه وهو عصب وقالي احترمي نفسك قلت انت اللي احترم نفسك كل ماطلبت منك شي قلتلي اشتغل عند ابوك شدخل ابوي بالموضوع على فكره انا اول مره اشوف واحد يهين نفسه ويقولي اشتغل عند ابوك ليشش انت شايف نفسك كذا فهذا مشكلتك قالي اصلا خساره فيك الاحترام والتقدير وانتي غيرك الف بنت قلت له ماطلبته منك وفره لك وانت بعد غيرك الف رجال بعدهاا هوو عصب وشتمني وسبني مررهه ودقت علي امه وهاوشتني وقالت لي اني متخلفه واني كذابه وقلت لها عن ولدها ولما يقولي اشتغل عند ابوك قالت كذابه هو يقول انه ماقاله لي قلت لها خلاص اجل ماتشوفين شر وسكرت انقهرررت مرهه منهااا وبعدها امه دقت على امي وقالت لاتحلمين انتي وبنتك ببيت لحالها قالت امي هي ماطلبت بيت ولاشي هي ماتبيه ومن لما كانت عندكم وهي تشتكي منه وانه مايسفرها ولايطلعها قالت امه عاد من كثر طلعاتكم انتم قالت امي اي الحمدالله دايم نطلع وانتي تشوفين الفديوهات الي ارسلها لك المهم مرت اياااام واستخرت على انفصالي منه وبعدها بثلاث ايام جاء ولد خالتي(طبعاً خاله اخرى مو ام زوجي) ولد خالتي ذا خاطب يعني انسان قمه بالاخلاق والادب وهو قريب من امي حيييل المهم هو سأل أمي عني قال غريبه جالسه عندكم وقت طويل وأمي قالتله اني طلبت الطلاق وقالتله السالفه من بدايتها المهم هو قال والله كنت ادري انها ماراح اتكمل معاه لانه طفللل بمعنى الكلمه وهو وامه واهله ناس مريضه ومستحيل تتحملهم وهو انسان سمعته مو زينه وزوجته الاولى قعدت معه ٦شهور وتركته وكنت اعرف ان امه كذاابه وطلعت على سوالف بس عشان تغطي على ولدهاا وياخاله لاتخلينها ترجعله والله تذ رجعتله انك مو مره قالت أمي طيب اذا هو مايبي يطلقها شنسوي قال مايهمني والله للأوقف بوجهه واخليه يطلقها غصب عنه مو بكيفه بنتك مثل اختي وكمل كلامه وقال اصلا حنا ماتوقعنا انها تتزوجهه واصلاً اخوي كان بيخطبها لكن هو خطبها قبله واخوي انصدم انكم وافقتم عليه وانقهرر وقال ان من بعد بنتك قرر انه ماراح يتزوج بعدها وحتى عرسها مااحضره كان بالشقه وحنا غطينا عليه وقلنا انه مداوم وهو بالحقيقه ماكان مداوم وأمي قالت ليه هو يحبها!! وهو وجهه صار احمر من الخجل وقال لا بس هو انقهر وكذاا وبعدها عرفت انه طلع يحبني صراحة انصدمت وماعرفت ايش اسوي يعني ايش تنصحوني فيه ياجماعة الخير اكمل مع زوجي وانا اكون مكبره الموضوع ولا كيف ابي رايكم ايش الحل الله يسعدكم وشكرا لكم واسفه على الاطاله

من الواضح أن علاقتك بزوجك غير ناجحة وبأنه يفتقد لأي أسلوب في الكلام أو التودد ، فأي زوج يفكر بالزواج ويخدر زوجته بذلك وهي ما زالت عروسا ، كما أنه فظ معك ولا يحترمك . أما والدته فهي تتعمد إهانتك وتجاهلك ، فإن كنت تريدين أن تكملي معه فلا بد من المواجهة وفرض احترامك والتعامل معك بما يرضي الله من دون إهانات أو تجريح ، فمن حقك طبعا أن تحبي التنزه مع زوجك ، خاصه وأنه حرمك من رحله شهر العسل التي تحلم بها كل عروس ، فهل أنت رهينه عنده أم زوجه ، لها حقوق ومحبه ؟ اتخذي قرارك قبل أن تفكري بالإنجاب ، ولكن لا تعتمدي على خطبه قريبك لك ، فقد لا يفعل ، فكري فقط في إمكانيه العيش مع زوجك أم لا ، واتخذي القرار المناسب بمشوره أهلك.