زوجي لا يقدر تعبي لذا أكره وقت إجازته

السلام عليكم انا حدخل في الموضوع لاني بجد تعبانه ياجماعه انا متزوجه من ٨ سنين راجل بيشتغل في الخارج والطبيعي انه ينزل كل سنه ومعروف يعني واحد كان طول السنه بيشتغل لما ينزل اجازه المفروض يرتاح يديني حقي اللي طول السنه انا محرومه منه وحقي دا مش علاقه وبس حقي انه نقعد انا وهو نتكلم مع بعض حقي نتكلم علي مستقبلنا ومستقبل اولادي لا انا عايشه في قريه واهله عندهم زرع وبهايم لما بينزل اجازه امه مابتبطلش رن في التلفون مش عايزاه يقعد معانا بيطلع من الصبح ياجي للغداء وينوم يصحي العصر يطلع برضو ومش بياجي غير بالليل يتعشا واعملي شاي اعملي عصير واخر الليل ياخد حقه كزوج بس يعني انا اعتبر جاريه ٢٤ ساعه قاعد بالهدوم المتوسخه ابتاعت الزرع اكون ماسحه البيت ومنظفه ياجي برجليه مليانه طين وقرف يوسخ البيت ويوسخ السجاد وهو عارف اني بحب النظافه وبقرف وياما اتكلمت معاه مافيش فايده بحس انه بيقصد يعمل كده علشان اتضايق ببقي طول الاجازه مضغوطه ومتضايقه انا الست الوحيده في العالم اللي بتكره اجازه جوزها المعروف عندنا يعني انا الست لما جوزها ينزل اجازه بيتها بيبقي نظيف انا عكس الناس دي اتكلمت معاه كتير بيتجاهلني ولا بيعبرني مش عارفه اعمل ايه زوجي لا يقدر تعبي زهجت قولولي اتصرف مع الشخص دا ازاي

. زوجك يعيش وحيدا طيلة السنه في الغربة ويعود إلى بلده مشتاقا للحرية والراحة ولمزاوله نشاطه في الزرع الذي اعتاد عليه .هو يقوم بواجبه ويتعب في الغربة بعيدا عنكم وعن أهله وبلده ، وأنت تقومين بواجبك تجاه أطفالك ، لكل منكما حصته في التعب ، فلا تنتظري أن يشكرك إن كنت لا تشكريه على غربته من أجلكم . تفهمي ظروفه وحاولي أن تسعديه في هذه الفترة ،خصصي أمام باب البيت ركنا ليغير فيها حذائه ، استقبليه بابتسامه ولا تغضبي بسبب بعض الفوضى التي يتسبب بها ، فبيتك كما تحبين طيلة السنه فما المشكلة لو اتسخ قليلا وزوجك سعيد ؟ المهم أن تفرحي بوجوده أنت وأولادك ، كوني مبتسمه وإيجابيه ومرحه لو أردت أن يبقى معك ، اعرضي عليه نزهه مع الأولاد ، اختاري الوقت المناسب لتتكلمي فيه عن مستقبل الأولاد ولكن قبل ذلك اظهري له فرحك بوجودك وفرح الأولاد به وحين تحضرين له العصير أو الشاي ، قولي كلمه حلوه وعبري عن شوقك لتواجده بينكم وتأكدي أنه حين يرى لهفتكم عليه ، وشوقكم له ، سيغير أسلوبه ويقضي وقتا أطول معكم ، لكن لا تحرميه من رؤيه أصدقائه وجو البلد الذي يحبه.