زوجي لا يؤمن بشيء اسمه ترفيه

السلام عليكم مشكلتي اني مخي مخربط وما بيفكر ما عندي شي جديد.. قد ما بتابع اخبار بس ع الفاضي... مش عارفه شو اعمل بحياتي غير تربيه الاولاد والاكل والشرب... وزوجي شخص روتيني كمان بشكل لا يوصف ما عندو اي اشي جديد... وشكلو مصدوم من الناس والدنيا بشكل كبير لدرجه انو اهم اشي عندو يروج ع الدوام وما يصدق يروح ويسكر الباب علينا... عندو انو النسي كلها تشتري قهوه غاليه اربع او خمس دراهم عادي بس احنا لا لانو هاد الاشي مو النا للاثرياء... طيب اقسم بالله هالاربع دراهم ما رح تغنيك ولا رح تكسر... وازا حكيتلو انا بدفع بيحكيلي للا كيف بتدفعي هالمبلغ طبعا بكون فراطه مش مبلغ صدقوني بحكي عن خمس او عشر دراهم... ومره بالشهر ما رح تكسرنا... طيب بنيجي ازا بدي اطلع الاولاد اخليهم يروحو يلعبو بالماكدونلز بيحكيلي لا بتدفعي ٥٠ درهم عليهم مش مستاهله.... بحكيلو هادوب اولاد مش بنات بتحملوش بفقعو واقسم بالله يا جماعه الاولاد بعيط عليهم نفسهم يطلعو زي هالاولاد الطبيعين ليش ازا وديتهم مكان طبيعي وعادي جدا يشوفو زي المهاجين... المشكله جوزي مش بخيل بس ما عندو اشي ترفيهي... وانا بحكي لو مره بالشهر ما رح تكسرنا...وازا روحه المطعم بيشوفها شي كبير علينا وعليه متلا في وجبه بكنتاكي ب ٣٠ درهم هاد لو تنشق الأرض وتبلعو ما بجيبها بحكم انو ليش اسخا ع وجبه هيك سعرها طيب مهو هاد سعر طبيعي لسا في وجبات اغلا... ولا بدك تجيبلي سندويشه ب ١٠ دراهم اطفي جوعي؟؟ ولما رحنا زياره عندو بيت حماي كانو يروحو ويجو وما حد حكالنا تعالو ممعنا او اوديكم مكان.. لانو عارفين زوجي مستحيل يدفع او يتصدر او يعزم لو ع اشي تافه واكتر من مره يسمعونا حكي انو احنا ناس جديين والله يعين أولادنا.... .. طيب انا والله مش هيك زوجي متعقد شو اعمل انا... امانه ساعدوني كيف اساعده وافهمه انو في اشي اسمو ترفيه بالحياه

أنت على حق فالإنسان بحاجه للترفيه والتغيير من وقت لآخر من دون إسراف وما تطلبيه لك ولأولادك رغبه عاديه يشعر بها كل إنسان . قد يقاوم الشخص الناضج رغباته ولكن الأطفال بحاجه لاكتشاف الألعاب والمطاعم الخاصة بأعمارهم ، حتى لا يجدوا نفسهم مختلفين عن أقرانهم . إذا كنت تملكين المال ، انفقي من مالك وامني لأولادك بعض الترفيه الضروري في سنهم ، كلمي أهله واطلبي منهم أن يقنعوه بذلك . أما إذا كنت لا تملكين المال فمن الضروري جدا أن تجدي عملا لتستقلي ماديا وتشتري ما يحلو لك ولأطفالك . زوجك يقوم بواجباته وهذا جيد ولكنه لا يكفي في هذه الحياه المليئة بالمغريات من مطاعم وأماكن للهو الأطفال . من حقهم أن يعيشوا كباقي الأولاد كي لا يشعروا بالنقص وما تطلبيه ليس كثيرا ، فاصري عليه ، وحاولي أن تجدي الأسلوب أو الطريقة التي تقنعي بها زوجك بهدوء.