أشعر بالندم على ارتباطي المبكر برجل لا أشعر بالتفاهم معه

السلام عليكم انا بنت عمري ١٧ سنه كان عندي طموحات كتير واحلام كتيره وكتير مجتهده بدراستي ومو من احلامي اني اتزوج بوقت مبكر، بس الي صار تقدملي قريبي واجاني حلم فيه قبل ماييجيني انو احنا اتزوجنا رغم انو مو ببالي، وامي وابوي وكل اهلي كانو موافقين عليه، فقبلت واشترطت عليه بدراستي انو لازم اكملها، كانو يحكولي عنو محترم ومو عارف غير وحده بس وتركها وهو يحكيلي نفس الاشي لغاية ما كشفت ماضيه الوسخ كلو بس مش كتير حاطيته براسي لانو ماضي رغم هيك عامللي عقدة ثقه، هسا انا كتير ملبكه وبحس احيانا حالي ندمانه لانو احنا كل واحد ببلد وبس علتلفون ومكتوب كتابي عليه وكمان شهرين بنتزوج بحس بلندم لانو انا لسه صغيره كتير وكان عندي طموحات كبيره وهو حدلي من طموحاتي وحكالي بدرسك بس ما بتتوظفي بفتحلك صيدليه او معلمه محالي احلامي، وكل ما اجي بدي افضفضلو متل اي ثنين بفضفضو بحكيلي انتي مو من حقك تزعلي وبعصب وبحكيلي انتي ما شفتي من الدنيا والله انا انسانه كتومه اصلا فلشريك حياتي ما اشكي وكل ما اعاتبه يحكيلي نكده، وما بشوف اغلاطي في حب من ناحيتو بس احيانا من تصرفاتو بحسو متخلف بحس حالي اوعا منو وبدو اياني اجيب ولاد اول سنه حيخرب علي دراستي وحياتي، والله مو ملاقيه حدا اشكيله تعبت وكتير شغلات كمان حاسه حالي فايته بعلاقه بس عشان ابسطو وافرحه كنو انا مالي مكان وبلمناسبه انا كاتبه كتابي عليه واكتر اشي بندم كتير عليه اني صغيره وما شفت حياتي وخطبت ع١٦ سنه

اهلا بك يا ابنتي وصدقيني ان كانت هذه مشاعرك الان فلن تتهني طوال حياتك لانك ستشعرين انك ضحية وهو نسي انك لا زلت صغيرة ولا خبرة لك في الحياة وانك تحتاجينه جانبك، عليك ان تعملي على تأجيل الزواج حتى تشعري بالراحة والاهم ان لم تشعري بالراحة لا تتزوجي فانت لا زلت صغيرة جدا عليه ولهذا عليك اولا ان تقومي بالحديث معه وتخبريه بمشاعرك وانه لا يصبر عليك ولا يتفهمك وانك لا تشعرين بالحب من طرفه. ثانيا تقولين له ان الزواج سيتأجل لانك لن تتزوجي الا لما تشعري بالراحة ولك ان تنهي الثانوية في بيت اهلك وان لم يتجاوب معك وبدأ الصراخ عليك فاعلمي انك كشفتي خصاله السيئة واطلبي فسخ الخطوبة ولا تخافي وتابعي حياتك وتعلمي وافعلي ما تريدين وعندما تكبرين وتنضجين ستجدين رجلا يتفهمك ويناسبك ولا تسمحي له بالسيطرة عليك لانك صغيرة وربي يوفقك.