علاقتي معه وصلت لطريق مسدود والسبب الشك

المشكله:انا امرآه متزوجه من ٥ سنين وعندى بنت و ولد من شهر بالظبط حصل خلاف بينى انا وجوزى داه تقريبا كان اكبر خلاف يحصل بينا طول حياتنا كان النقاش حاد جدا ولو كنا زودنا كلمه واحده كنا هنجرح فى بعض قولتله انا عايزة اروح لاهلى خدنى ولبست الاولاد وروحنا فضلت عند اهلى اسبوع اليوم الثامن كان موجود وخدنى رجعنا البيت بس زوجى كان اتغير ٣٦٠ درجة مش داه الانسان اللي اعرفه واتجوزته تصدقونى مع ان الكل بيفضل يقول الزوج بعد الجواز بيتغير بس هو متغيرش نهائى فضل نفس الانسان اللي حبيته واتجوزته نفس الرومانسيه بالاهتمام بخوفه عليا بهزارنا بكلامنا اللي مبيخلص بمكالمتنا بالساعات لما يكون مسافر او حتى بره مع صحابه عمره ما زهق من كلام الحب ليا او مل احنا متجوزين بعد قصة حب كبيرة احنا قبل ما نرتبط ونعرف بعض هو كان مرتبط بواحده فترة وبعدين سابوا بعض لاسباب شخصية بس الفترة اللي فاتت حصل اضطربات كبيرة فى شغله رفض مساعدتى او مسانده اهلى او اهله ودخل معاه شريك فى شغله الشخص داه يقرب للبنت اللي كان مرتبط بيها يبقى ابن خالها واكتر من مره الاقى صور منشورة لجوزى والبنت دى بتكون موجودة من ضمن الناس كلمت جوزى مرتين وعلقت على نقطة وجودها فى الصور قالى انا مبكلمهاش نهائى حتى السلام وميخصنيش تبقى موجودة ولا لا . سبب الخناقه ان الشخص داه عزم جوزى على مناسبه شخصيه وانا معرفتش اروح عشان الاولاد وهما هناك واحد من المعزومين كان معاه مراته و فتحت بث مباشر وكان ظاهر جوزى والبنت دى وراها كانوا قاعدين سوا ومعاهم ناس وعمالين يتكلموا و مندمجين جدا لما رجع كنت نمت واتخانقنا تانى يوم وهو قالى انتى لو مش واثقه من نفسك دى مشكلتك اما مفروض تثقى فيا اكتر من كدا وقالى كنت مجبر اتكلم معاها لما كلمتنى عشان لو كنت قمت من القاعده كانوا هيرجعوا تانى يتكلموا انا اتعاملت معاها زيها زى اى حد وحصل الخناقه وشدينا . من ساعه ما رجعت وهو متغير معايا لغاية ما قالى انتى وصلتى علاقتنا لطريق مسدود بتصرفاتك انا كنت فتشت فى موبايله مره واحده بعد ما لاقيته متغير معايا واتأكدت انه مبيكلمهاش نهائى معرفش اذا كان عرف ان فتشت ولا لا دى اول مرة افتش فى حاجته عمرى ما عملتها فى فترة ما كنا مرتبطين ولا فترة الخطوبة ولا حتى الجواز جوزى كان رايح مع صاحبه ومراته اللي كانت فاتحه البث ولما كلمتنى حكتلى من غير ما تعرف ان انا فى مشاكل مع جوزى اصلا وقالتلى جوزك كان قعد مع فلانه واحنا راجعين جوزى زعق معاه وقالتلى جوزك رد قاله مراتى بتثق فيا وعمر ما هيبقى عقلها صغير فى حاجة زى دى وانا بحترمها وبحبها ومفيش حد يملى عينى غيرها ومقصدتش اهينها انا بس محبتش اتصرف بتهور قدام حد عشان ميرجعش الكلام تانى وانت لو كنت لاحظت انا مفتختش كلام معاها ولو مره واحده كنت برد بس عليها وبكمل كلامى مع الناس دلوقتى انا مش عارفه اتصرف خالص اخويا خد اولادى يوم الخميس وسافروا معاه هما مسافرين جوا مصر وهيرجعوا يوم الثلاث بليل بس هو حتى مش سايبلى مجال ان اصالحه او نتناقش وواخد الموضوع بشكل حساس جدا

الحل:لا بد وأن تجدي طريقه تعتذري بها لزوجك لقله ثقتك و لشكك فيه وعدم تصدقيك لكلامه . لقد شعر بالإهانه فهو يحبك ويحترمك في غيابك كما في وجودك ولكنه على حق فقد يمر أي شخص منا في موقف محرج يحاول أن يخرج منه بلباقه وهذا ما فعله هو . كان يجيبها فقط حين توجه له الحديث من دون أن يستفيض معها بالكلام ولم يتقرب لها أو يفعل أي شيء يثير غضبك وبشهاده صديقتك التي كانت مع زوجها في الحفل . استغلي غياب أولادك الآن واعتذري وتقربي منه واكدي له أنك لن تغيري بعد الآن خاصه وأنك تحبيه وهو يحبك فلا تضيعا حياتكما وحياه أولادكما من أجل سبب لا يستحق.