ماذا أفعل حتى يبتعد عني زميلي في العمل وأتخلص من مضايقته

أريد حلاً ؟ انا مش عارفة اعمل ايه عشان يبعد عنى طول الوقت بسأل نفسى هو عاوز منى ايه من اكثر من سنتين واتعينت فى وظيفتى دى و من اول يوم و فى زميل ليا فى نفس القسم طول الوقت بلاحظ نظراته و محاولاته الدائمة للفت انتباهى بشتى الطرق بعد مرور يومين فقط سمعته بيسأل واحدة زميلتنا عنى اذا كنت مخطوبة او متجوزة و ردها عليه انها لسة متخرجة و مش مرتبطة طبعا فكرت انه عاوز يرتبط بيا وان النظرات و الابتسامات و تتبعه ليا لهذا السبب بس مرة عدة شهور و فضل على نفس عادته و متقدمش ولا حاجة انا كنت بقول يمكن عنده ظروف انا فى الاول كنت حاسة بنفور ناحيته بس مع محاولاته الدائمة للفت الانتباه و نظراته العميقة الطويلة و انا بسمعه طول الوقت بيقعد مع زمايلنا و بيسأل عنى و هم بيمدحوا فى اخلاقى و صفاتى و بينصحوه يتعامل معايا ازاى او يكلمني ازاى لانى شخصية هادية جدا و انطوائية و محاولته لاختلاق اى شئ للحديث معى المفروض اننا فى نفس المكان بس مفيش شغل بينا او اى حوار ان دايما بغض البصر هو دايما دائم النظر لى حتى انا مبكنش منتبه و فجأة الاحظ انه كان بيبص عليا و دة طبعا بيلفت انتباه زمايلنا هو كمان لما بعدى من قدّامه يفضّل منتبه ليا و ميهموش ان اى حد يشوف كده زمايلى يفضلوا يضايقونى و يقولولى هيفضل رايح جاى و يفضّل يبص و انا ربنا إللى شاهد عليا أنى دايما بغض البصر و لا كأنى شيفاه اصل و بتجنب الكلام معاه او اى موقف ممكن يجمعنا و بقفل الباب فى وشه و دلوقتي بغيب فى الأيام إللى هو بيروح فيها لان كدة هو نيته سيئة بالنسبة ليا و مفيش واحد محترم بيعمل إللى بيعمله انا بقالى اكثر من سنتين على هذا الوضع و مش عارفة اعمل ايه عشان يسيبنى فى حالى انا كرهت شغلى بسبه احساس بشع انك طول الوقت تحس بحد بيراقبك من غير ما تاخد بالك بالله عليكم حد يقولى اعمل ايه اكتر من إللى انا بعمله عشان يبعد عنى انا زهقت انا بحس كل لما بعمل كده بيزيد اكتر يغير أيامه و يجى فى الأيام إللى انا بجى فيها لو شافنى و اقفة فى مكان بتكلم مع حد يجى بكل وقاحة و يقف جنبى قريب جدا بأى حجة و دلوقتي ممكن يخلينى معدية و يخبطنى و يعمل انه مكنش يقصد لدرجة انه يكون بيتكلم مع حد و عينيه مبتنزلش من عليا و كمان على وسائل التواصل انا مش ضيفاه عندى بس كنت بشوفه بيكتب بوستات بداية من الفترة إللى انا اشتغلت فيها هناك عن قصة حب هو بيعشها و كل يوم خاطرة عن مشاعره و احساسه و بيوصف فيها حبيبته و نظراته ليها و حديث الناس عنها كأنه بيوصف اللى بيحصل فعلا المشكلة ان زمايلنا لما يشوفوا اللى بيحصل و الكلام اللى بيقوله و يفضلوا يعلقوا عليه انا مش عارفة اعمل ايه و مستحيل أنى أكلمه أبدا و أقوله انت بتعمل كدة ليه انا بتجاهلوا بطريقة تخليه يبطل اللى بيعمله دة بس هو لو بيحس كان بطل من زمان

اهلا بك يا ابنتي واحسنت انك لم تفتحي له باب او مجال لانه مع احترامي لك رجل وقح ولا يتق الله ولو كان يريد خيرا لتقدم ، ولو كان له عذر لقال ان الخطوبة كافية الى ان يتحسن حاله، ولكن ان يبقى في هذا الحال فهو امر مرفوض. انت لا يمكنك الكلام معه ولا يمكنك النظر اليه ولفت انتباهه لانه ينتظر منك فرصة لتبداي انت، واحذري ان تسمحي لاحد ان يتكلم بامرك وان سمعت حديث فقولي لهم اخبروا هذا الوقح ان يغض بصره ويحترم نفسه، لا تعطه بالا واياك ان تكرهي شغلك وان لمسك او اقترب منك اصرخي في وجهه "لو سمحت ابتعد عن طريقي واياك ان تكرر هذا التحرش"، لان ما يفعله يعتبر تحرش ولو كان عندك قسم موارد بشرية فيها شخص واع وفهمان قدمي عليه شكوى تحرش واساءة، والا تغافليه واهمليه واياك ان يؤثر عليك اعتبريه هباء لا قيمة له ولو تقدم لك لا توافقي عليه لانه لا يستحقك. كوني قوية وربي يوفقك.