عملي ينهار بسبب مرض كورونا كيف أحافظ على سمعتي بالسوق

وبعدين مع هالحالة يا جماعة انا اسمي بالسوق قاعد بنمحي من ورا هالمرض مش قادر اطلع على الصين اجيب بضاعتي انا اصلا موسوس خلقة خايف اغامر بصحتي وصحة أطفالي الي من لما انخلقوا وهمه مرض ورا مرض انا اصلا بتعب و بشقى على شانهم مش قادر اطلع على الصين واملي محلي بضاعة بعد ما كانت الناس بتخبط ببعض وهية طالعة وداخلة على المحل هلا بيجي واحد بتفرج من بعيد على كمن غرض على الرفوف و بيطلع بدون ما يحكي مرحبا وانا خايف اطلع اصلا وانا متأكد اني رح ارجع حامل الفيروس وينعدى اولادي ولا ابوي وامي الي صحتهم على قدهم مشان الله اعطوني حل حدا يحكي اي شي يريح نفسيتي انا بحالة يرثى لها خايف يصيبني اكتئاب والله ما بقدر حاليا افتح المحل ساعتين على بعض من الاحراج من التجار الي حوالي والكل بيسأل ليه محلك فاضي وبيعرضوا علي مساعدة بفكروني مفلس وانا شكلي رح افلس ادا ظل الوضع على هالحال يااارب فرجك حلوها اعطوني حل منطقي أواجه بيه الوضع واحافظ على سمعتي بالسوق

اهلا بك يا سيدي، اولا توكل على الله واكثر من الدعاء والاستغفار. ثانيا هذا امر عالمي فقد اعلنت منظمة الصحة الدولية انه وباء عالمي، يعني ليس الامر بيدك ولا بيد احد ولو معك واسطة الملك شخصيا لن تقدر ان تسافر لأن هناك حظر سفر، ولكن لك ان تطلب بضاعتك عن طريق التجار الذين تتعامل معهم، معقول لك سنين في هذا الكار ولا تعرف ان تطلب ضاعة بدون ان تذهب انت شخصيا؟؟؟ الا تعرف مواقعهم على الانترنت مثلا، وتطلب البضاعة، الا يوجد موزع اخر للبضاعة لتقوم بتسليك امورك بالاخذ منه، يا سيدي الناس تعرف ان هذا وباء عالمي واغلاق عالمي وهناك مليارات الدولارات التي تم خسارتها ومليارات الناس توقفت رحلاتهم واعمالهم واسفارهم والكثير غيره، يا سيدي الله يرزقك صحة البدن وراحة البال، ارى ان تفكر بعمل شيء اخر في هذه الفترة ولا تتوتر بل تفكر بالعقل وتحاول ايجاد بديل عن بضاعة الصين، وحاول ان تخفف مصاريفك هذه الفترة وتبحث عن بدائل للبضاعة او عن طرق بديلة لطلب البضاعة ولا تقنط من رحمة الله واحمد الله على الصحة