أخاف أن أدمر حياة الإنسان الذي أحببته

المشكلة : اعانى من مشاكل مع حبيبي ارجو مساعدتى ارسلت لكم منذ يوم واخبرتكم بقصتى لثقتى الكبيرة بكم ان تساعدونى .. انا بنت ١٨سنة واحب شخص كذلك١٨سنة وقولتلكم انه شرب مخدرات وانه مكنش قادر يبطلها .. كلمته امبارح وقاللى انا هروح اتعالج وسيبونى ف حالى ..انا معرفش قصده ع مين غيري تانى ..قولتله تتعالج من ايه ..راح قاللى حرام عليكى تعذبينى وتسألينى .. قاللى حسي بيا مرة واحدة واسمعى كلامى( انا مدايقة انه دينا شايفنى مش بحس بيه رغم ان والله بحس بيه جدا) قاللى انا هقفل نت وهسيب الفون ولما ابقي كويس هبقي اكلمك بس اوعدينى تحافظى ع نفسك لحد ما اجى اخطبك وتذاكرى كويس ..وقاللل انه بيحبنى جدا ..وقاللى انا دماغى مش فيا وافهمينى مرة واحدة وكان متعصب جدا وبيتكلم كأنه بيزعق .. انا مش عارفة هو قصده بيحصله كدا عشان وقف مخدرات ولا ايه .. انا معايا رقم مامته مش عارفة اكلمها واطمن عليه دلوقاى ولا بعد اسبوعين مثلا ولا متصلش خالص واستناه لما يكلمنى .. انا مش عوزاه يحس انى سبته فى محنته وشدته .. هو قفل نت بس انا معايا رقمه ورقم مامته .. واحنا امتحاناتنا فاضل عليها حوالى ٢٠يوم واحنا ثانوية عامة ..مش عارفة اعمل ايه ولا اساعده ازاى ..هل اساعده بانى ابعد لحد ما يكلمنى هو ويبقي كويس ولا اتواصل مع مامته ولا مكلمش حد خالص .. ارجو من الخبراء مساعدتى فا انا احترت جدا ..واسفة انى طولت كل دا

الحل : اهلا بك يا ابنتي وانا اتابع معك، واعتقد انه تحت تأثير المخدارت واخبرتك من اول الطريق انه ولد لاهي ولاعب وغير مسؤول، ومع هذا ربنا يشفيه ويبعده عن هذا السرطان وهو المخدرات، وتذكري اننا قلنا ان عليك التركيز في دراستك، بالطبع لا تتكلمي مع امه انت لا ترعفين ظروفه ولا تخافي هو لن يقول لك امر ولن يعتب عليك لانه غير واعي ولا مدرك، وانت لا تضيعي تربية اهلك وتعبهم عليك 18 سنة واهتمي بهم وساعديهم بتفوقك ونجاحك وسترة نفسك والحفاظ على سمعتك، وانت في وضع لا يستطيع ان يساعده فلذا لا تهدري وقتك فقط ادعي له بالخير وركزي في امتحاناتك وبعد الامتحانات يكون لديك وقت فراغ وتفكري بالأمر والان اريد منك ان تقفلي هاتفك وتبعديه عنك لانه يجب ان تركزي في دراستك وهذا ولد وله اهل يساعدونه واياك ان تكلمي احد او امه، فقط اقفلي هاتفك واهتمي بدراستك وربي يوفقك ونتابع معك التطورات والاهم طمنيني عن دراستك.