تركني بحجة أن أهله لا يحبون مهنة التمريض

اولا مش عارفة ابدا مشكلتي منين .. انا عمرى 23 سنة اتعرضت لفترة صعبة و مشاكل و تقلبات كتيرة و فترات مكنتش سهلة و لا مستقرة ف حياتي و ف الدراسة لما جيت اختار التخصص اخترت تخصص التمريض عشان مرتبه مجزى و هقدر اعمل اللي انا عاوزاه و احقق اللي معرفتش احققه لما كنت صغيرة عشان مكنش فيه امكانيات مادية ... ف اخر سنة ف اخر ترم ليا ف الكلية اعترفلي شاب انه بيحبني كان زميلي ف نفس الدفعة بس كان ف كلية الطب و انا كنت اتخرجت و هوا كان لسا ليه سنتين دراسة و قالي انه عاوز نتجوز بس بعد لما يخلص دراسة و انه هنتخطب ف نص سنة خامسة و اللي شجعنى و خلاني مبسوطة و مرتاحة اكتر انه بيحبني و فرحت انه هنعمل عيلة كويسة يعنى لما يكون بين الاب و الام حب و احترام غير الجواز التقليدى لاني جربته مرتين و محصلش نصيب . بس لما عرف اني ف كلية تمريض قالي انه والده طبيب و بشوف حاجات خارجة من الممرضا و اعمامه كمان كانو بيحكو ليه و اخواته مواقف زى دى , ف المهنة دى تعتبر مش محترمة من وجهة نظرهم وقاليانا محبش انه حد من عيلتي يدايقك او يستقل بيكي ف فكرنا انى احول قسم تاني ف الكلية و اهلي يدفعولي مصاريف تانى و اذاكر م اول و جديد ... الفكرة انه حتى ممكن اشتغل ف مدرسة او اى جهة حكومية مش شرط المتشفى بس الكلية دى تعتبر من وجهة نظرهم وصمة عار . مش متخيلين انه ممكن يكون فيه ستات محترمة شغالة المهنة دى مع العلم انه السيئة بتعم و الحسنة بتخص و انا طول فترة تدريبي 4 سنين مكنتش بشوف اللي هما بيحكوه و كانو الدكاترة عندنا ف الكلية نموذج حسن لينا .. بس هوا دايما كان بيقلل من المهنة دى قدامي معرفش كان بيتعمد استفزازى و لا عاوزنى اغير وجهة نظرى , المهم عشان اقدم ف القسم الجديد محتاجة رقة هتطلع بعد اسبوعين و ف الفترة دى زمايلي كلمونى عشان نخلص ورق الامتياز ف قولتله انى بس هروح اشوف الاجراءات معاهم بحيث لو متقبلتش ف السنة الجديدة بما اني قدمت متاخر ف ميروحش عليا الامتياز و الرخصة بتاعتى .. ف جه يقولي احنا اتكلمنا و انا مرضالكيش مهنة زى دى ... و النهاردة الصبح باعتلي من ضمن رسالة انه حاسس انه احنا مننفعش لبعض .. ف رفضت المناقشة لاني كنت تعبانة جدا , مع العلم انى سلمته نفسي بس مكنتش علاقة كاملة .. و كنت كل مرة بستغفر و بتوب و برجع , و غير كده كمان انا كنت عمرى م حبيت و لا ليا تجارب و انجريت ورا عواطفي و نيتى خير انه ربنا يغفرلنا و نتجوز و هوا كلم اهله و والده و دى كمان مش اول مرة يقول مش نافعين لبعض و مرتين سيبنا بعض و كان بيصلي استخارة و يرجعلي يقولي مش هلاقي زيك ام لاولادى حتى بعد اللي حصل بيننا .. بس انا تعبت المرة دى فعلا لما قال كده و مش عارفة اعمل ايه خايفة ومرعوبة مش عاوزة قلبي ينكسر و مش عاوزة اختار غلط و مش عاوزة اعيش لوحدى نفسي ابقي ام ارجوكم ساعدونى و ادعولي

اهلا بك يا ابنتي اولا اعلمي انك لا زلت صغيرة وقضية اريد ان اكون زوجة وام ولا اخسر الفرصة لا تزال مبكرا جدا في حالتك فهذه اول خطبة لك وحتى لو لم تنجح والامر بيد الله ليست مشكلة، دعينا نفكر في الأمور التي بيد الشخص وانت بالفعل اثبت الكلام ان هذه المهنة مش محترمة( مع احترامي للجميع وهي مهنة من ارقى المهن ولكن ارد على رد الاهل) لأنك ممرضة سلمت نفسها لاول طبيب يقول لها احبك ويبدو ان الامر اكثر من تقبيل بل كشف عورات وعلاقة شبه مكتملة ، وبالتالي لن ينفع ان نقول ان هذا الكلام خطأ وان كل شخص يتصرف باخلاقه ولا يجوز التعميم، لانه قال لك حرفيا ان كل ممرضة تسلم نفسها لطبيب ولغيره وهذا اكيد خطأ ولكن انت فعلتيه واكدتيه ولا ادري ما موقفه مما فعلتيه ام ما موقفه من الممرضات بشكل عام. ثانيا انت على وشك الامتياز والانتهاء مما يعني انهي دراستك ولا تذهبي لتخصص اخر وان كان لا يريدك ان تكوني ممرضة لا تشتغلي بالتمريض، يمكنك ان تكوني ممرضة في مدرسة مثلا، او تعملي معلمة مثلا او لا تعملي ابدا ان كان وضعه جيد، لذا فرقي بين الشهادة والعمل والسلوك وما فعلت. ولهذا اولا يجب ان تستغفري ربك وتتوبي عما فعلت فهو امر عظيم وشابه الزنا والعياذ بالله، احفظي كرامتك وسمعة اهلك ولا تستسلمي بسهولة لاي رجل يقول لك احبك ويجب ان تدافعي عن شرفك وشرف مهنتك ولا تثبتي للاخرين انه نعم يمكن ان تفعل ما تشاء مع ممرضة( والعياذ بالله وحاشا الممرضات من الامر ولكن انت رسول مهنتك فاثبتي ان هذا خطأ بالامتناع عن الأمر) ثالثا يجب ان تتحدثي معه وتعرفي نيته وهل يريدك ان تعملي ام لا ام لا يريد الشهادة ام لا يريد الوظيفة ام يمكنك ان تقولي انك لم تتعلمي او درست اي امر اخر ام هناك من سيدقق بشهادتك؟ ان كان صادقا ويريدك حقا وستتاجرين به لما حصل بينكما فستضحين بدراستك، وربما بعد ان تتزوجي تبداي الدراسة من جديد في تخصص يوافق عليه وربما في نفس الجامعة لتكسبي بعض المواد، وان لم يحصل نصيب تتابعي حياتك ولكن بشرف كوني قوية وربي يوفقك.