أعاني مع خطيبي وأشعر بهم كبير عندما أكلمه أو أتواصل معه

أعاني من مشكلة ساعدوني أنا مخطوبة من 3 شهور في البداية مكنتش مستعدة و لا كان على بالي اتخطب دلوقتي و دي كانت رغبة بابا كمان بس اما اتقدملي عريس غني و محترم و اهله كويسين بابا غير رأيه رغم ان العريس اكبر مني ب 12 سنة و من قبل الرؤية الشرعية كمان بابا بدأ يخوفني اني هندم لو مقبلتوش و ان ممكن محدش يتقدملي تاني مع ان لسه سني 20 قولت انا مش عايزة اتجوز في الدراسة لأني مش هقدر اسافر عشان الجامعة و في نفس الوقت اشيل مسئولية بيت و احتمال يبقي فيه حمل و انا مش هقدر ع كدا بابا فضل مصمم اني هقدر على كل ده و مسمعنيش و طول الوقت بيخوفني و يقولي اني لو موافقتش ع العريس مش هيمشيلي في جوازة تانية بعد الرؤية الشرعية مكنتش مرتاحة اوي يعني و محصلش قبول بس بعد ضغط كبير من اهلي وافقت و قعدت اقول هحاول اتأقلم عليه و احاول احبه و اقبله لكن محصلش لأن اهتماماتنا مختلفة و بدأت احس انه مش متقبلني لأن طول الوقت بيقول انا عايزك تبقي كزا و مبحبش الست اما تبقي كزا و حرفيا بيدور علي كل اللي هو عاوزه و بيشكلني على مزاجه و مش بيهتم انا عاوزة ايه عايز كل حاجة تبقى على مزاجه و اما اجي اعاتبه ع اي حاجة مش بيتقبل العتاب و مش بيحاول يصالحني و اما يبقى فيه اختلافات ع اي حاجة دايما عايزني انا اللي اتنازل و بيقعد يقولي اني مختلفة معاه لمجرد اني عايزة اضايقه كمان معندوش حسن ظن بيا و بيتوقع البلاء قبل وقوعه و دايما قلقان مني مع اني والله ما بعمل اي حاجة تقلقه بالعكس بحاول اطمنه و معظم كلامه بيدل انه اناني زي مثلا أنا مش هزعلك عشان انا هبقي قاعد معاكي في نفس البيت فكدا أنا هزعل عشان انتي اللي هتبقي قاعدة معايا و اما اسأله انت مش عايز تعرفني و تسمعني و تشوف انا مين يقولي اه عشان ده مستقبلي دايما بيفكر في نفسه في اي موقف سواء صغير او كبير مش عارفة اعمل ايه انا عمري ما كنت عايزة اعيش جو رومانسي زي الافلام و الروايات بس اقل حاجة كنت بسعي ليها اني احب وجود شريك حياتي معايا و اني اقدر اكون ع طبيعتي جدا قدامه و اكون مرتاحة ليه جدا و ابقي فرحانة في اليوم اللي هنجتمع فيه في بيت واحد و احس اني اهم حد عند شريك حياتي و نقدر نكون منسجمين و آخدين علي بعض لكن انا دايما شايلة هم انه جاي او اني هكلمه في التليفون و شايلة هم اي كلمة اقولها لأنه مش بيفهم الكلام بسوء ظن ممكن يكون بسبب فرق السن الكبير ده؟ فأولوياتنا مختلفة عشان انا من جيل و هو من جيل انصحوني اعمل ايه؟؟؟ بدأت افكر افسخ الخطوبة لأن مفيش قبول و كل شوية اقول لازم اصبر شوية بس بقالي 3 شهور على الوضع ده و مفيش تغير ايجابي خالص هو شخص محترم بس اعتقد اننا مش هنكون كويسين سوا و كمان بابا ضاغط عليا بيقولي ان القبول ده مش سبب عشان تفسخي الخطوبة و بيقولي لازم اتدلع عليه و اعمل حركات بنات عشان يحبني لدرجة انه مرة قالي اقعد قدامه ببلوزة نص كم اسفة طولت عليكوا بس اعمل ايه؟؟

اهلا بك يا ابنتي وبالطبع لا يجوز ان تتزوجي بدون موافقة ولكن الفرق بينكما ليس جيل كما تعتقدين هو في بداية الثلاثين يعني عاصر التكنولوجيا الحديثة وهو من نفس جيلك ولو كان اكبر منك، وعلى كل حال فرق العمر لا يدخل في شروط الزواج، ولكن اعتقد انك تحتاجين الى تعديل تفكيرك ومحاولة اما وهو الحل الأول ان تفسخي الخطوبة وتكوني قوية وتقفي في وجه والدك وتتحدي بحثا عن حقك بالشعور والراحة وتكوني حازمة بالأمر وان لا تتنازلي ولكن تتحملي نتيجة الامر في علاقتك مع والدك وخاصة انه مصر على هذا الزوج، او انك تغيري منظورك للخطيب وتغيري طريقة تعاملك معه وتعرفي كيف تكسبي قلبه وثقته وان كان لا بد من ان يكون هو زوجك ولا تقدري ان تفسخي الخطوبة يجب تغيير منظور الرؤيا له لان حياتك كلها ستكون معه ومعه فقط، ويجب ان تكوني ذكية وتعرفي كيف تكسبيه وتكسبي ثقته وفي ذات الوقت تعيشي سعيدة وتتنعمي برزقه وحبه، يا ابنتي الحب اولا مثل البذور يحتاج ان تحضريالارض الخصبة والصالحة لتبذريها فيها،ولهذا تحققي من صفات خطيبك وهل هي طيبة وهل هو لطيف ومحترم ومؤدب ويتق الله وكريموصفاته العامة جيدة، اذا يستحق ان تنثري بذور حبك فيه، وبعدها يجب ان تتم العنايةبها من البحث عن الاهتمام والصفات المشتركة والمعاشرة والتحدث اليه وايجاد الجميل في صفاته الخاصة ليحصل القبولوالموافقة وان بدأت الموافقة تكرري صفاته الحلوة وتعتادي عليه وتذكريه بالخير وتشتاقينله فيتولد الحب ثم بعد الزواج يصبح كل حياتك ودنيتك، فالمطلوب منك الان ان تبحثيعن كل صفاته الجميلة وتكرريها وتعيديها في عقلك وتتحدثي عنه بالخير وتتعاملي معهضمن الأطر الشرعية والعادات الصحيحة المتبعة ومع الوقت يحصل الحب، والعلاقة يجب ان تُبنى على المحبة والاحتراموالثقة والتفاهم والقدرة على الحوار وليس فقط الحب وارجو أن تقرأي المقالة التاليةعلى الموقع وهي مفيدة جدًا عن عشر أسباب لنجاح العلاقة العاطفية غير الحب وستنفعككثيرا ويجب ان تعيشي حياتك طبيعية لان الخطوبة لنتغير فيك من شيء الا للأفضل لا تقلقي وكوني ايجابية واي مساعدة لا تترددي بالتواصلمعي وربي يوفقك