قالت الفنانة شيرين رضا:" بالتأكيد جمالي سبب لي مشاكل وعامة بتيجي من الغيرة، ولقيت غيرة من ناس كتير".
معاناة شيرين رضا بسبب جمالها
وأضافت خلال لقائها ببرنامج "أنا والقناع" الذي تقدمه الإعلامية منى عبد الوهاب بقناة "سي بي سي":"الجمال ساعات بيبقى نقمة على البني اَدم، ولحد النهاردة جمالي بيفتح لي مشاكل كتير".
وتابعت شيرين رضا:" دفعت ثمن جمالي، دفعته من أعصابي وفي حياتي والناس اللي حواليا، لكن عمري ما تمنيت للحظة أكون حاجة تانية أو مش جميلة".
جمال شيرين رضا ومشكلة دائرة الصديقات
وأكملت:"عمري ما فكرت أني أبقى واحدة تانية، والموقف اللي بيحصل يخلي الست تشعر أن جمالها لعنة لما تبتدي تخسر الستات اللي حواليها والستات اللي حواليها يخافوا من جمالها".
شيرين رضا: أنا خايفة على بنتي نور وهي سر أبيها عمرو دياب ومعرفش بينهم إيه (فيديو)
في نفس اللقاء، قالت الفنانة شيرين رضا:"الجوازات اللي باظت وبنتي الوحيدة علموني وخلوني واحدة مسئولة ومش كل الناس تعرف تشيل مسئولية وفيه ناس بتيجي بعد خطوتين تلاتة وتنهار".
مسئولية شيرين رضا
وأضافت:"أهلي علموني واللي حصل بعد كده في حياتي عوامل خلتني أعرف أشيل مسئولية".
مشكلة الرجل والمرأة في المجتمع الشرقي
وتابعت الفنانة شيرين رضا:"مشكلة مجتمعاتنا أن الراجل مخادع والست كائن ساذج، الست عقلها بيتخدر من المخادعين وعقلي اتخذر قبل كده وصدقت وعديت بمزاجي".
درس شيرين رضا لابنتها نور عمرو دياب
ولفتت شيرين رضا:"علمت بنتي نور عمرو دياب أهمية النقاش، يعني مينفعش أقولها لا وخلاص لازم أشرحلها سبب اعتراضي أو رفضى، لما بشرح بخيلها تسمع، وعلمتها كامرأة تحافظ على مخها ونفسها أنها تكون دايما فخورة باللي هي بتعمله ومتتكسفش من حاجة، وطلعت ليا أنها جادة ومبتخليش مشاعرها تمشيها وبتعرف تفرق بين الناس".
سر خوف شيرين رضا على ابنتها ووجه الشبه مع عمرو دياب
وتابعت:"خفت علي بنتي من الحياة لأنها عايشة برة، ومن الصعب أني أسيبها واعتمد على أنها تعرف بس أنا كنت مصدقة فيها علشان لأني علمتها كفاية أنها تعتمد علي نفسها، وأخدت من والدها إيديه ورجليه بالظبط صوابع ايديها ورجليها زي عمرو دياب بالظبط وحركتها زيه وتشبهه في الملامح، بس البنت بتاخد أكتر من مامتها في التعامل، بس نور أكيد سر أبوها بس أنا معرفش ما بينهم إيه".
قد يهمك أيضا
GMT 17:14 2023 الإثنين ,23 تشرين الأول / أكتوبر
سوزان نجم الدين تكشف أسراراً عن حياتهاGMT 11:19 2023 الإثنين ,23 تشرين الأول / أكتوبر
محمد منير يعلن استعداده لتحضير أغنية جديدة لفلسطين تضامناً مع احداث غزةGMT 18:32 2023 الأحد ,22 تشرين الأول / أكتوبر
الجمهور يشيد بأداء حنان مطاوع في مسلسل "صوت وصورة"GMT 17:34 2023 الأحد ,22 تشرين الأول / أكتوبر
رانيا يوسف ومي سليم تتعاقدان على "روج أسود"GMT 14:04 2023 الأحد ,22 تشرين الأول / أكتوبر
إياد نصار يشارك في رمضان المقبل 2024 بـ "صلة رحم" Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©
Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©
أرسل تعليقك