رسالة مؤثرة من نجل محمود عبد العزيز في أول رمضان بعد رحيله

يعيش الممثل والمنتج محمد محمود عبد العزيز، حالة من الحزن بعد رحيل والده، خاصة بعد حلول شهر رمضان الكريم الذي يعد الأول دونه.

وكتب محمد عبر حسابه على موقع الصور والفيديوهات الشهير "إنستغرام"، رسالة مؤثرة لوالده وأهدى له صيامه وكل عمل خير سيقوم به مثلما علمه، حيث قال :" كل سنة وحضرتك طيب وبخير يا أبويا وصاحبي وأخويا وكل ما ليا، أول مره في حياتي ماتكونش معايا وقدام عنيا طول المدة دي، بس برضه كل سنة وحضرتك طيب، لأني حاسس أنك بخير وفي مكان أحسن من اللي احنا فيه بكتير".

وأضاف :"عايز أهدي لحضرتك كل حاجه بعملها سواء انتاج أو تمثيل أو أي حاجة كويسة ممكن أعملها وتبسطك، وأي خير بعمله أو بحاول اني أعمله زي ما حضرتك علمتني، والسنادي بهدي حضرتك صيامي وكل ركعة وكل حرف هقرأه من المصحف الشريف اللي حضرتك ماكنتش بتسيبه، ربنا يتقبل مني ويقدرني وأبقى ربعك في أي حاجة"، متابعًا :"

رمضان كريم كل سنة وحضراتكم جميعًا باأف صحة وسلامة وخير، وربنا يريح قلوبكم ويشفي كل مريض ويرجع كل بعيد، ويصبر أي واحد موجوع، ويهون علينا جميعا يا رب بحق الشهر الفضيل، أسألكم الفاتحه والدعاء لأبويا ولأمواتنا جميعَا".