أريد التبرع لأخي بكلية وزوجي رافض

زوجي رافض تبرعي لاخي بكليتيانا متزوجة من 10 سنين وعندي 4 اطفال .. اصغرهم عمره سنتين والكبير 8 ، اخوي من فترةا تعرض لحادث وراحت كليتيه، وصار لازم حد يتبرعله التطابق بالكلى طلع انا واخ تاني عريس جديد .. فانا بدون تردد وقبل ما اخوي يحكي اي شي قلت بتبرع وبدون ما ارجع لزوجي ما توقعت يرفض... زوجي بس عرف انجن ورفض بشكل مطلق حكالي انتي ام 4 ولاد وبحاجة لصحتك وصحيح بتقدري تعيشي بكلية بس لو صار اشي شو الحل مشان ولادك ... واخوكي التاني هو مجبور باخوه اكتر منك... طبعا انا مش مقتنعه لاني كمان مجبورة باخوي بس بنفس الوقت ما بقدر اخالف زوجي ... ومش قادرة ارجع اخبر اهلي اني غيرت رايي لانه حيصير الموقف صعب ويمكن اخوي يزعل مني ... واصلا انا مو حابه اخوي التاني يتبرع لساته عريس بده يدخل عمليات وقصص ... شو اعمل كيف اقنع زوجي

هناك وجهة نظر في كلام زوجك وفي نفس الوقت انك محقة في خوفك على اخيك. استشيري طبيب واسأليه عن تأثير ذلك على صحتك حتى تبني قرارك على معلومات طبية صحيحة. اذا في تأثير سلبي كبير يؤثر على صحتك المستقبلية وقدرتك على تربية اولادك فليس من الحكمة ان تقومي بذلك٠ اما اذا اقتنعت بعدم وجود اذى عليك و أصريت على منح اخيك الكلية فتفاهمي مع زوجك بهدوء وتناقشي مع اهلك كيف ممكن يساعدوك في فترة النقاهة. لا شك ان الموقف صعب جدا، لكن هناك ايام ما في مهرب من المواجهة واتخاذ قرار حاسم. من جهة اخرى ما احتمال إيجاد واهب للكلية؟ قد تستطيعين مساعدة اخيك بالبحث عن واهب. مع تمنياتي بالتوفيق