ولد متسلط وزوج لا يهش ولا ينش

انا ام لخمسة عيال أكبرهم بنت عمرها ١٨ واللي تحتها ولد اصغر منها بسنة، بنتي مرت بمرحلة مثل غيرها من البنات وتعرفت على شاب وصار بينهم مكالمات لين مايوم صادها اخوها وهي تكلم هالولد!وقوّم الدنيا وماقعدها ،!لدرجة انه مد يده عليها يالله فكيناه منها!بنتي اعتذرت لي انا وأبوها ووعدتنا انها ماراح تكررها لكن ايش يقنع اخوها اللي تغير علينا كلنا وصار يتنصت علينا ويطلع من مدرسته يروح يراقبها في وقت طلعتهامن المدرسة ،أهمل دراسته ومزاجه تغير علي وعلى اخوانه وبالذات اخته الكبيرة ويتلفظ عليها بألفاظ وسخه ! علاقتي معه كانت رائعه وهالحين يالله يسلم ويلومني في كل مناسبة اني ماربيت اخته، بنتي تعبانه نفسياً بالذات ان ابوها عاجبه تصرف اخوها ويشوف تصرفاته انها من حرصه عليها ودايم يثني عليه انه رجال البيت في نفس الوقت الولد عايش الدور المتسلط! تقدم عريس لبنتي ووافقت عليه على طول؛ احس قرارها هروب من البيت .اقترحت عليها تكمل دراستها وتأجل موضوع الزواج لكنها مصره تبي تطلع من جحيم اخوها! الولد لما عرف عن الخطيب رفض لانه ممكن تكون تعرفه مثل ماكانت تعرف غيره وقال على جثتي لو تم الموضوع!انا

الامر يقع على عاتقك بالسيطرة على الأمور فابنك لا يزال صغيرا على تقدير هذا الامر وزوجك يريد ان يترك المسؤولية وهذا هروب من المواجهة وابنته نعم قد تكون اخطات ولكن ليست جريمة تعاقب عليها بالحرمان من الحياة. قد يدفعها هذا السلوك اكثر للتمرد والوقوع في خطا اكبر خذي زمام المبادرة وضعي الأمور بالميزان الصحيح ولا يخيفك ولدك بأنك السبب ويشعرك بالذنب ليشمل حركتك. انت الوالدة وعليه احترامك وسماع رأيك ووجهة نظرك. كوني قوية من اجل عائلتك ولاتحملوا الموضوع اكثر من حجمه