هل إدمان زوجي يعني فشل زواجي وإستقراري

المشكلة : اعذروني على اطاله شرح المشكله وتحملوني ... بسألكم وابغاكم تفيدوني فأنا في حيره من امري وفي هم مايعلمه الا الله .... تزوجت زواجي الثاني فأنا مطلقه وتزوجت من رجل مطلق ولي سنتين ف زواجي هذا المهم بعد فترة من زواجي كان منظم لنادي رياضي يوميا يذهب له وبعد فتره قصيره من استمراره للذهاب للنادي جاء للمنزل وهو متغير جدا وكنت اول مره في حياتي أرى مثل هذه التغيرات ولأني ايضا ف بداية زواج جديد ورجل وشخصيه جديده لم افهمها بعد مده قصيره من الزواج المهم التغيرات كان يمشي بثقل ويتكلم ولسانه ثقيل واكثر شي كان يلخبط كثيرا في الكلام وبعدها انسدح ع السرير ويبكي ويصيح ويتكلم كلام ملخبط وينتقل من موضوع لموضوع وانا مصدومه موفاهمه أي شئ يحدث قدامي وكان كل تبريراته انه شرب فيتامين حارق للدهون وزاد الجرعه وهي اللي سببت له هذا الاختلاف انا صدقت مع شكوكي وصدمتي من الموقف لان هو يشرب الفيتامين وعنده فعلا وكان طول الوقت يترجاني يقول لاتقولي لأمي قلت انت تعبان وعندك دوخه ممكن تحتاج يودوك للمشفى قال لااااا ولا تقولي لأحد هذي تغييرات وتروح بمجرد ماتنام المدرب يقول كذا ...المهم مشي الحال بعد فتره لاحظت عليه تغييرات تشبه الأولى بس ع خفيف كان يلخبط ف الكلام ع خفيف ويسوي حركات مايسويها شخص طبيعي بيروح لعمله ومتاخر عن الدوام كان يلبس بدلة العمل بصعوبه خفيفه ويمشي بثقل خفيف ويميل ف المشي يمين ويسار وياخذ كاسه المويه ويكب المويه اللي فيها ع السراميك ويمشي عليها بشراب العمل اللي بيروح فيه للدوام كانت حركات ع خفيف وانفجعت منها المهم راح للدوام واتصلت معاه وحققت معاه وقال عادي تصرفاتي بس متوتر عشان تاخرت عن دوامي المهم ماوصلت لجواب .... مرت الايام والشهور وكتب ربي وتوظفت ف مدينه بعيده عن سكني معه وماراح معاي عشان ظروف عمله وماكان يجيني الا كل شهرين او شهر ونص بسبب البعد وعمله ...المهم بعدها خلصت وعطلت من العمل ورجعت لسكني معه مرت الأيام وبعد فتره كنت عند اهلي واتصل عليه مايرررررد بعد ٤أيام رد ع اتصالي ف اخر اليوم وذهبت معاه الى منزلي وكنت اتخاصم معاه بسبب تصرفاته وانه مايرد طول هذي الايام وقال انه بسبب مشاكل اسريه مع اهله وانه نفسيته محتاجه راحه وعزله عن الناس وفعلا في مشاكل بينهم بس المشكله مو هنا المشكله بعد كم يوم من جلوسي ف منزلي دخل علي وفيه التغييرات اللي لاحظتها عليه منذ سنه لاني سنه كامله وانا ف المدينه اللي توظفت فيها ونسيت كل اللي صار ف سنتي الاولى معه...المهم دخل ويلخبط ف الكلام جدا وكلامه شوي ثقيل ويقول بطلع المشاعر السلبيه ومزاجه متقلب مرات يتنهد من صدره ومرات يضحك وكأنه ف قمة السعاده وحتى الاكل لما وضعته لم يأكل ابدا وكان متقلب طبعا مو طبيعي لانه ف الحاله الطبيعيه مايصير كذا وبعدها راح ونام لكن يتقلب ويتحرك ع السرير بزياده كل فتره النوم ... بعد ماصحى اليوم الثاني تفاهمت معاه ف اللي صار واني كنت مرعوبه من تصرفاته الغير عقلانيه قال انا من شدة التوتر والقهر من المشاكل اللي صارت يحصل كذا وانا طبعا رفضت رفض تام عذره لانه مو مقنع ابدا وقال قفلي ع الموضوع ولاتفتحيه معاي.....بعد تقريبا ٣أيام جاب لي أغراض البيت وبعضها ماجابها ودخل علي ونفس التغييرات عليه ظاهره يمشي بثقل وكلامه ملخبط وخايف ومتوتر اكثر لانه قابل امه ف الدرج وقالتله اش فيك وسئلته قال مافيني شي ودخل علي جدا خايف ويقولي اش فيكم تقولون لي اش فيك ... وكانت عليه التغييرات هذي المره بزياده وبعنف انا وقتها قلتله اش فيك متغير قال انتم اللي اشفيكم وشافني ماسكه جوالي وجلس يصيح عليه يقول لايكون تتصلين ع امي وياويلك والله لأسوي فيك وصار يهددني واخذ جوالي من خوفه اني أقول لأمه بعدها اخذت جوالي منه وحاولت اهدي الموقف عشان ينام وبعدها اهرب لأمه واتصل ع أهلي ياخذوني قلتله اجلس مع اني كنت ف قمه خوفي ورعبي وجلس ويكرر كلمة اش فيكم ويصيح عليه المهم انا قلت بنام قال لااا تعالي ويقول لي كلام ملخبط واتهامات كلها ظلم يقول ليه تخونيني وكم لنا سنه متزوجين تبغينا ننهيها وخلاص وانا هنا مصدومه ومرعوبه لانه موطبيعي بعدها ماتحملت قلت بروح لامك اسولف معاها وهنا انجن جنونه قال لاااا مستحيل وصار محاصرني ويهددني ورفع الكرسي عليه يقول اعترفي كلمتي امي عني وبعدها نزله وجلست شوي وهو يتكلم ويهدد ورحت اجري للباب بهرب لأمه خايفه يسوي فيني شي وهو يجري بسرعه وهو يسحبني من عند الباب وانا اصيح وانادي امه وهي تجي وهو يضربني وهو يقول لها مشكله بيننا ولاتتدخلين وهو اصلا مافي ولامشكله دخل عليه بهذي الحاله وراحت امه ورجعلي بيضربني ووقتها رجعت حاولت اطلع مره ثانيه مع الباب وهو يسحبني بشعري عشان ما أطلع مع الباب واقول لأمه وبعد جهد وصلت للباب وفتحته وهربت وهو يطردني بأسرع ما يكون ووقتها انقذني الله وطاح ع الدرج وانا نزلت عند امه وانا في حاله مايعلم فيها الا الله وقام وجاء عند امه وقام يتهمني بأشياء ماسويتها قالت امه اش فيكم قال تتدخل ف المشاكل اللي صارت بيننا وكلام كله لخبطه واتهامات وانا هنا كنت انتظر ابوي يجي ياخذني وجاء ابوي وقابله وسئله عن السبب وقاله سبب ثاني تااااااافه جدا حتى ابوي انصدم قلت ي ابوي هذا سكران عشان كذا مايعرف يقول ايش لك ... استغربت من شي انه مو السكران يتهجم على اللي قدامه سواء ام او زوجه هذا بس تهجم عليه وعلى امه لاااا بس طلعها بقوه مع الباب ؟؟؟؟؟؟ بعدها رحت مع ابوي لبيت اهلي وتخيلو ولا أتصل عليه ولا أرسل لي ولاكأنه كان بيوم من الايام زوجي اختفى تماما ولاكلم ابوي يعتذر وكذلك امه اوبوه ماكلمو اهلي ولاتفاهمو معاهم ف الموضوع ....هو ماكلمني ع اساس اني بتفكيره فضحته وطلعت من بيتي مع ابوي لكن هذا اقل شي اسويه لانه لو مارحت لاهلي احتمال يقتلني مو في عقله ... لي الان في بيت اهلي ١٥ يوم ومختفي نهائيا.... طبعا بعد قراءتي ومن قبل اقرأ من ملاحظاتي عليه تبين لي انه طبعا كان سكران ويشرب خمر او اي مسكر لاني لأعرف لانواعها..... كيف اتصرف ارشدوني انصحوني فانا بهم عظيم ومصيبه لاني كنت ابحث عن الاستقرار والاطفال بعد فشل الزواج الاول ... انا ماعندي حاليا اطفال منه .... بس بسالكم هل السكران بالشرب اي كان نوعه يدمن عليه حتى لو كان يشرب ف وقت المشاكل فقط؟؟؟؟ ماعرف شي ابدا عن السكر والشراب وابتليت بهذا الرجل حسبي الله ونعم الوكيل.... وكيف اتصرف تجاه جمودهم وانقطاعهم التام عن التواصل والتفاهم معنا ف هذه المشكله ؟؟؟؟؟؟؟؟ حتى ابي وامي مصدومين لانهم لم يلاحظو عليه شي طيلة السنتين اللي كنت معه ونفسيتهم تعبانه مره وخايفه عليهم....ابي صاحب حكمه وتعامل ف التفاهم لكن انقطعوا تماما ولم يكلمو ابي ولم يتفاهمو معه وابي مقهور لان فيه عدم احترام وتقدير ....وامه ايضا لم تتواصل مع امي ابدا..... انصحوني ووجهوني وارشدوني فانا بهم لايعلمه الا الله وكل يوم استخير؟؟؟؟؟؟؟؟؟

الحل : اظن انك من الاساس في حاجة للابتعاد عنه في تلك الفترة من أجل اعادة ترتيب حساباتك ، استغلي هذه الفترة حتى طلب التفاهم في تحديد ما اذا كنت تريدين ان تعيشي معه حقاً ام لا ، لأني اظن ان العلاقة من الصعب ان تعود مرة أخرى الى طبيعتها