الحمل اتعب نفسيتى

انا ام عندي بنتين الكبيرة عمرها سنتين والصغيرة ست اشهر وانا مشكلتي مع بنتي الكبيرة دائما بضل قلقانة عليها ولما حملت فيا كنت عايشة ببلدي بس كان في حرب ونفسيتي كانت تعبانة بالحمل وحملي كان اصعب حمل لدرجة اني كنت عايشة عالسيروم بدون اكل او شرب حتى الكلام بكتبو عورقة وبآخر حملي سافرت مع زوجي لعند اهله بالاردن وسكنت بنفس البيت معهم واللي زاد نفسيتي سوء معاملتهم لالي بسبب اختلافن عن اهلي يعني هن بينتقدو كتير بكل صغيرة وكبيرة غير اهلي البسيطين اللي ما بدققوا عتوافه الامور وعشت وحدة وغربة وماكنت احكي وكنت احسب حساب لكل تصرف بدي اعملو او كلمة بدي احكي خوفا من انتقادهم وانا بدي رضاهن كرمال زوجي وتحولت من بنت اجتماعية مرحة عفوية الى امرأة سكوتية كئيبة حزينة وحيدة ممقتة وضعيفة الشخصية ومرتبكة وبعد ما كملت تسع شهور حمل مرة ولدت بنتي البكر بس ماكنت العبا متل كل ام ولا احكي معا لاني ماكنت احسن كنت احس بلهفة عليها بس اكتم وما احسن اعبر وبعد اربع شهور انتقلت لبيت لوحدي وعشت وحيدة انا وبنتي مع الحيطان ماكان عندي تلفزيون وزوجي بالشغل من الصبح للمسا وما حدا بدق بابي او تلفوني ولا انا كنت العب بنتي ولا احكي معا كان صمت تام وكبرت بنتي صار واهل زوجي لاحظوا تأخرها بالكلام بس بنتي بتحكي بس قليل ولما تشوفن بتخاف لاني مانا متعودة عالناس ماكانت تشوف ناس بس المشكلة مو بتأخر الكلام المشكلة بالخوف من الناس لما تشوف ناس بتخبي عيونا وبتقضي وقتا لحالا مابهما اذا كنت موجودة او لا اذا حدا اهتم فيااو لا يعني بحسا مابتطالب بشي بس بتلعب ببالالعاب وهي بتحب الناس تشوفن بس مابتختلط فين وقليل لتعانقني وماعندا لهفة ولما يشتغل التلفزيون بتصف فيه وبتترك كلشي انا بدي بنتي تكون طفلة طبيعية محبة للناس محبوبة

لا شك ان الحمل المتتالي متعب فما بالك مع ظروف الحرب والانتقال. لا تحملي نفسك اكثر من طاقتها جزاك الله خيرا على كل ما مررت به. الان وقد استقريت في بيت منفصل، اهتمي بنفسك واستعيدي نشاطك. اما بالنسبة لابنتك فهي طبيعية لا تقلقي، الأطفال في هذا العمر يميلون للعب بجانب الاخرين وليس معهم وهذا طبيعي. اما بالنسبة للكلام، فمن الطبيعي ان تتاخر كما شرح لك الخبير النفسي في ظل الظروف التي مررتم بها. تكلمي معها وكانها شخص كبير، مثلا قولي لها "هيا بنا نرتب البيت سوية ونجهز الطعام"، يمكنك أيضا ان تشركيها بأشياء تحبين عملها انت، مثلا اقرئي مجلة اجتماعية للكبار وادعي ابنتك لجلوس بجانبك والتفرج على الصور وعلقي مثلا "هل ترين صورة الفستان؟ هل يعجبك؟ ستخزن الكلمات التي تسمعها وفجأة ستسمعينها تتكلم بطلاقة.