زوجي يرفض ايجار بيت خاص لنا عند عودتنا لبلدنا

أقارب زوجي مرحبا لمجتمع حلوها، عندي سؤال انا متزوجة و كل اهلي عايشين بأميركا بس أهل زوجي عايشين بدولة تانية، زوجي بحكيلي لما ننزل ع بلدنا كزيارة بدو ياني انام ببيت اهله مع العلم بيت اهله صغير كتير و عبارة عن شقة فيها غرفتين و حمام و عنده اخوه شب عمره ٢٦ و عزابي و كمان اخت ف انا كبنت متزوجة و كطبيعتي مش متعودة انام عند أي حدا حتى لو اقاربي و من انا صغيرة دايما متعودة ع هاد الشي لانه في خصوصية للشخص و تاني شي كبنت متزوجة و عندي كمان طفل ما بقدر اخد حريتي في بيت صغير و انام بغرفة اخوه و الحمام مشترك للجميع مع العلم انه زوجي قادر انه يستأجر شقة قريبة من بيت اهله بس ما بده عشان ما يزعل اهله بس انا مش رح اخد حريته اطلاقا، ف حكيت لزوجي و اقتنع لاسباسي بس اهله معارضين و زوجي عارض ف شو انسب حل و كيف اقنع زوجي باستاجار شقة و حكيتله ما عندي مانع اذا ضليت ٢٤ ساعة عند أهله بس فترة النوم بدي انام بشقة مستقلة، و تاني سؤال انا مش مقصرة مع أهله بشي و دايما ع تواصل معهم بس أقاربه بصراحة ما حبيتهم و بجبرمي اني احكي معهم فيديو وانا بحكيلو ما بدي احكي فيديو اذا بدك بحكي مكالمة عادية و ما برضى و بزعل ف هل انا عليي ذنب بهاد الشي ويلا لا؟ و هل انا مجبرة بتواصل مع صلة رحمه غير اهله.

لا تبالغي في رده فعلك مع زوجك فإقامتك عند أهله في هذه الشقة الصغيرة مسألة مؤقته ستنتهي بانتهاء زيارتكم . أنت على حق في طلبك ووجود شقيق زوجك الأعزب سيسبب لك الإحراج ويمنعك من أخذ راحتك كما تحبين ، لكن زوجك محرج مع أهله ولا يريد أن يغضبهم ، فهم يقدمون بيتهم الصغير كتعبير عن ترحيبهم بكم . ربما حياتك في الغربة عودتك على الخصوصية في كل شيئ، ولكن " أهل البلد " يحبون الاجتماع واللمة حتى ولو على حساب راحتهم هم أيضا . اقبلي هذه المرة لترضي زوجك ولترضي أهله المصرين على استضافتكم ، فقد يفهمون تصرفك كنوع من التكبر عليهم . إنها فتره بسيطة وستمر وسيقدر لك زوجك هذه التضحية براحتك وخصوصيتك من أجله وهي فرصه أيضا لتتقربي من أهله وتوطدي علاقتك بهم . لست مجبره على التواصل مع أهل زوجك بالفيديو ولكن من الأفضل مجاراته في طلبه ، من باب اللياقة وإرضاء له ،فالمكالمة لن تأخذ منك وقتا طويلا وستترك أثرا طيبا عنده.