أبي أخذ كل مدخراتي ويريد أن يورطني بقرض بالملايين

السلام عليكم. حبدأ بقصتي علطول انا بنت عمري٣٢سنه غير متزوجه عشت حياه صعبه جداً بسبب مشاكل امي وابويا وانتهت بالطلاق بعد ٣٥سنه زواج احنا بنتين انا الكبيره اختي الصغيره تزوجت بدري واشترت راسها انا خفت اخلي امي مع ابويا تتبهذل اكثر لان الوالد بخيل ماكان يصرف ريال علينا والحمدلله امي الي كانت شايله كل شي من راتب تقاعدها خلتني اكمل دراستي واخذ الماجستير ووقفتني على رجولي لين توظفت وظيفه جدا جميله وراتب محترم ولما تأكدت اني وقفت على رجولي طلبت الطلاق المهم انا الان موظفه لي ٣ شهور لكن خارج ديرتي وكل شهر اشيل من راتبي مبلغ واضغط نفسي عشان عندي إلتزامات خاطري اشتري بيت وسياره وارتب مستقبلي،ابويا تزوج بعد الطلاق مباشره اخذ وحده أجنبيه تشيلو لانو كبر بالسن وامي أخذت بيت ايجار وساكنه لوحدها واسافر لها كل نهايه شهر وقت اجازتي اجلس معاها،المشكله مو هنا المشكله ان ابويا كلمني قلي انا محتاج فلوس لسداد ايجار شاليه فالبحر يروحلو هوا واصدقائو مع العلم انه قالي انا ماخذه استثمار المهم طلب مني مبلغ ايجار الشاليه اضطريت احولو كامل المبلغ الي حوشتو من بدايه وظيفتي مع العلم اني ماقدرت اخذ بيت لنفسي عشان لا انضغط ماديا وساكنه بسكن العمل غرفه وحمام ومطبخ مشترك بعد تحويلي المبلغ لبابا اتصل علي وقالي بنتي ابغا اخذ بيت عن طريق الاسكان وعشان عمري كبير بالسن مابيعطوني القرض باخذه باسمك!والله ياعالم ماعرفني الا بعد ماتوظفت وكان يسبني بسبب الوظيفه يقولي انا مستعر منك لاني مضيفه جويه لكن يوم عرف عن طريق اصدقائه كم استلم راتب جاني يقولي هالامور انا لسه ببدايه حياتي ياجماعه يبغا يلبسني قرض بأكثر من نص مليون فينه من زمان يوم كان يضيع فلوسه على شاليهات وبحر وسفر ووناسته هوا واصدقائه ماعرفني الا الان بعد ماعرف كم استلم راتب شورو علي الله يخليكم وش اسوي؟

اهلا بك يا ابنتي بالطبع لا تدخلي في امر القروض من الان واعتذري بطريقة لبقة وقولي للوالد ان راتبك محجوز وقومي انت بشراء بيت لك لتستقري فيه فهذه الدنيا لا تعرفي ما يحدث فيها ويجب ان تكوني ذكية ونبيهة، والوالد لا يؤتمن على المال ويبدو انه يصرفه في اوجه اما اسراف وترف او مشبوهة، فلماذا مصاريف الشاليهات وغيره، وانت تعملين بجهد لتجمعي قرشك، وقد اعطيته اول مرة وما قصرت والان تكلمي معه بهدوء وقولي له انك لا تقدري وان راتبك مربوط، وحاولي ان تبريه بمبلغ يعينه في امور حياته او تشتري له انت ما يلزمه من طعام وملابس مثلا بطريقتك ولا تنسي حق الوالدة عليك وحق نفسك عليك وكذلك تامين مبلغ للمستقبل، كوني ذكية ولا توافقي ولك ان ترفضي الأمر جملة وتفصيلا ولكن بطريقة مقنعة. والاهم تذكري نقطة انه لو تزوجت فمن سيدفع القرض؟؟ ولو تركت العمل من يدفع القرض؟؟ ولنفرض زوجك قال اتركي العمل، ماذا سيحصل هل تتوقعين ان يدفعه هو مثلا؟؟ لذا اقول لك كوني ذكية وفكري بالمستقبل ولكن لا تنسي انه يبقى والدك ولا تخلطي بين بر الوالدين وايقاع النفس في التهلكة، وربي يوفقك.