أمي غير اجتماعية وأنا ورثت عنها هذه السلبية

مسا الخير انا عمري 23 مشكلتي اجتماعيه ؛من وأنا صغيره ماما ما الها دخل بالناس يجي الضيوف زياره عنا وما يرجعون حتى اقرب الناس النا خوالي وإخواني وازواج اخواتي يجو بالشهرين مره وما بطولو؛ وانا بنجن من هاد الاشي؛ دايما بحكي لماما انو ليش ما بتحكي أو بتفتحي موضوع انو اتفاعلي مع الموجودين بترد بتحكي بديش ما تدخلي ؛ وانا بختصر وما برد ؛ وانا كل ما يصير اشي مع زوجي أو بدي احكيلها قصه مرات بتمشي كأني ما بحكي ومرات بترد بابتسامة ومرات بتحكي كلمه وتسكت! ! وهاد اثر علي بشكل مو طبيعي مع أي حد بروح زياره عليه أو بيجي عندي ما بعرف شو الي لازم ينحكا ؛ ومرات بحكي بيطلع اشي ع راسي ومرات بسكت ببطل حد يرجع عندي؟ ! مشكلة ماما الاجتماعيه ورثتني اياها ما بقدر اغير نفسية ماما وبنفس الوقت ما بدي أضل متلها يا ريت تساعدوني لانو صايره اكره اي جمعه أو أي اشي في كلام ؟!

يا ابنتي هناك فرق بين العزلة الاجتماعية وبين عدم التدخل في امور الاخرين، وهذا امر عليك ان تفهمينه يمكنك ان تكوني اجتماعية وتتحدثي وتخالطي الاخرين بالمعروف وبدون التدخل في خصوصياتهم، يمكنك ان تتدربي على التواصل الاجتماعي وانت لست صغيرة وعندك حياتك الخاصة وحياتك الاجتماعية الخاصة فلا تخلطي ما تفعله امك بما عليك ان تفعلينه.الامر الثاني هذه الامور مكتسبة ومتعلمة ولا علاقة لها بالوراثة فلا تقولي اورثتني امي هذه لاصفات، وبما انها سلوك مكتسب وعادة عليك ان تتدربي عليها وان تتعلمي اصول المجاملات وتقيمين بعض الدعوات في بيتك وهذا ما يدعى اصول الاتيكيت، وهناك الكثير من الكتب والفيديوهات عن الموضوع.الامر الثالث لا تخلطي بين امك وبينك، ولا تعلقي ما يحدث معك على شماعة سلوك الوالدة، هي حرة بتصرفاتها، وانت لك مطلق الحرية بتصرفاتك مع اهلك واصحابكم وزوجك وعائلته.ابداي من الان بالتدرب على هذه الامور وممارستها ولا تتدخلي فيما لا يعينيك بشؤون الاخرين ولا تكوني حشرية وفضولية بل اعرفي اسس التعامل الصحيح ولا تسمحي لاحد باختراق حدودك وخصوصيات بيتك واولادك وزوجك.وفقك الله