خداع زوجي

اعاني من كذب وخداع زوجي او ممكن اقول انه منافق معاناة زواج منذ ١٧ عشرة عام والسبب تزوجت انا عمري ١٦ وتغربت ولم اعرف التصرف تفاجات اولا ان زوجي شكاك دايما خايف ويراقبني ويجي للبيت فجأة وكان يراقب جوالي وكان ممنوع اطلع الا معه ودايما تحقيق ويسالني عن الماضي وكيف عشته رغم انه تزوجني اول بلوغي وسافرت معه فورا ودايما ابكي واخاف منه وماعرفت اتصرف لانني بغربة واهله ايضا معنا بس ماوقفو معي بالغربة ودايما اسكت واتحمل ومااعرف لمين احكي اتفاجات اكتر انه عند زوجي ممنوع اهلي كان يسمح لي اتصل معهم بالمناسبات والاعياد فقط وحتى عندما كنا نسافر لبلدنا الام كان يسمح لي برؤية اهلي مرتين او ثلاث خلال شهرين زيارة لبلدنا لحتى ودايما يصير مشاكل لما ازرو اهلي او يزوروني لحتى وصلت لمرحلة ماعاد طلبت منه ازورهم وتقريبا وصلت رسالة لزوجي انه خلص ماعندي اهل المرض الثالث لزوجي هو دايما يخاف يعطيني مصروف ويفكر انني استغله وارسل لاهلي لانه له اخوات معنا دايما ياخذو من ازواحهم ويخبئو ويرسلو لبعض ويعطو امهم فكان يخاف ويمنع عني المصروف واحيانا لما يعطيني يعمل مغي الف تحقيق ليعرف وين الفلوس ودايما يقول هو رجل ويتعب بعمله ويذهب من الصباح للمساء ولازم نحرص على اموالنا ومشاكل كثيرة في فترة نزلنا لبلدنا الام وبقينا سنة كاملة ومنعني كمان اشوف اهلي واهلي خافو يجو يسلمو علي لانهم عرفو طبع زوجي وايضا منعني اخرج وطلب مني ممنوع اصدقائي يزوروني وانا ممنوع اخرج الا معه وبقينا اشهر ولم يغير رايه ودايما افكاره سلبية وانه الاصدقاء مخادعين كذابين والاهل خلص ممنوع يتواصلو مع بنتهم لانه بنتهم تزوجت وهاد الشي كان هو يفرضه علي انا وطبعا عند اخواته المتزوجات مسموح يزورو اهلهم ومسموح يشوفو بعض ونحنا لا واعطيت زوجي مهلة وانا كنت احاول صير احسن وكل شي يقول زوجي اقول حاضر ومازعله ودايما ابين اني فرحانة وبحبه كنت احاول مااقصر معه ابدا واقول لعلى وعسى يتغير ويصير معي ولما رجعت ناقشته طبعا رفض نقاش وقال خلص هو بده مني انسا انه عندي اهل طبعا مافي اسباب عنده جلد الذات وحب التملك اناني ولما زاد النقاش ودخلت اهله بالموضوع واعمامي حلف يمين طلاق انه ممنوع اهلي وكان دايما يخاف اني اخد هدايا لاهلي او اعطيهم شي من اموالنا رغم ان زوجي كريم وليس بخيل بالعكس كرمه زايد مع اهله واولاده بعدها تركته ورحت عند اهلي وطلبت طلاق وصار قصص ومشاكل كتير كتير وصار طلاق والكل وافقو وشجعوني فعلا ارتحت من هيك انسان ظالم لكن قصتي مانتهت قرر ينتقم مني واخد اطفالي مني ومنعني من الحضانة واجبرني بسبب ظلمه اني ارفع عليه دعوة واشتكي عليه لانه حرمني اطفالي وللاسف صار كل عليته ضدي وقالو غلط وعيب ارفع دعوة عليه وهو كان السبب وبعدين لما صار هيك اجا صالحني وصالح اهلي واعتذر ووعدني كل الامور تصير متل مابدي واعترف انه غلطان ورجعنا لبعض وفعلا صارت حياتنا حلوة وصرت اشوف صديقاتي واهلي واخوتي والحمد لله والمفاجأة انه ولما سافرنا رجع كشف عن انيابه ورجع متل ماكان بالماضي وازود لن استطيع الدخول بالتفاصيل لكن حياتي الان جحيم ولايطاق وانا وحيدة مغتربة لااعرف احد واعاني من كذب ونفاق زوجي ووعوده الكاذبة.

. مشكلتك بدأت حين تزوجت وأنت في السادسه عشر من عمرك ، قبل أن تنضجي وتفهمي دور الزوجه وحقوقها . تنازلت كثيرا وصبرت كثيرا ولكن زوجك ظالم ، يحرمك من حريتك ويفرض عليك شروط غير منطقيه . أهلك أيضا يدفعون ثمن تسرعهم في زواجك وسكوتهم على منع زوجك من رؤيتهم حتى تمادى وتجبر. " لا طاعه لمخلوق في معصيه الخالق “، فليس من حق زوجك أن يحرمك من أهلك ويمنعك عن البر بهم ولا من حقه أيضا أن يحرمك من أطفالك . حاولي أن توسطي شخصا من أهله كمحاوله أخيره في التفاهم معه والاستفهام عن سبب تغيره المفاجئ بعدما كان يعاملك بما يرضي الله ، لماذا يحرمك من حقوقك وما الذي يدفعه لهذا الظلم . عندما لا تجدين حلا معه ، فلا يبقى لك إلا طلب الطلاق ، فيكفيك ما عشته حتى الآن وأولادك سيبقون أولادك وهناك محاكم تحكم لك برؤيتهم أو بحضانتهم حسب سنهم ، فالاستمرار معه صعب للغاية.