يتفنن في جرحي

السلام عليكم انا عندي مشكله ... خواتي كلهن متزوجات الا انا ويعاملني معامله مره ما تنطاق ... قبل فتره اتفقن انهن يطلعن يتجمعن كل يوم ثلاثاء عند وحده منهن ببدايه كنت اروح مع امي نتعشى ونرجع بعدها الحين يقلن لامي لا تجي معك تعالي لحالك ... وامي معهن وقالت خلاص ما تروحين بعدها تطور الموضوع وصل للتجريح بالكلام قدام اي احد حتي لو غريب ... اذا جاء يوم الخميس كلهن يجن عندنا يقعدن يضحكن علي وعلى شكلي قدامي ويعززن لبعض كل وحده تقول كلام من عندها .... بعدها صار فيه تفنن بعد بتجريح وصل لحد الكذب علي ... اختي الكبيره دايم تكذب على لساني وتقول كلام انا ما قلته ودايم تهددني وقدامي بوريك وراح تشوفين وش راح اسوي فيك ومن هالكلام وعادي خواتي الثانيات معها ضدي والحين يقلن لامي انها ما تحبك ولا تحترمك هذي من هذي انا الي يتكلمن عنها لين امي صارت معهن وصدقت كلامهن بشهر 10 سافرنا جده مع خواتي تخيلن اني طلبت منهن نروح مول قريب من شقتنا وكلهن سكتن محد رد علي لين جاء من بكرا وحنا نروح وركبنا اوبر يوصلنا كلهن قالن انتي الي ادفعي لانك انتي الي تبينه مهو ب اسلوب حلو او زين لا تصرخ علي وتطلع البوك من شنطتي وصوتها مرتفع ادفعي اقول لك ادفعي يلا وهي اساسا 25 اتوقع بدفع عادي بس لا تصارخ بعدها نزلنا للسوق لا تدخلين المحل هذا لا تشترين من هذا لا تاقفين لا تتحركين اوقفي يلا بلا لين جاء وقت الي خلصنا وبنرجع للمنطقتنا رحنا مطار جده وحنا نروح نخلص الشناط ورحنا كراسي انتظار جن خواتي كلهن جلسن جنب بعض ولما جيت بجلس عندهن جنبهن يعني قالت لا لا قومي هناك بنات قعدت ابكي واصيح من وراء النقاب ويديني ترجف من الزعل مو لهدرجه يعني ناصل لا احد يقول انتي مسويه شي لهن ما سويت شي بس هن طبعهن كذا وامي تعزز لهن وانا اساسا لحالي ومتخرجه بالبيت واطفش حتي مسويات قروب عندهن بالسناب مو مضفاتن فيه وكل يوم يتكلم عنه قدامي بنات حتي السوق ممنوع اطلع معهن وان طلعت ممنوع مطعم او كوفي نشتري ونرجع وانا اصيح يوميا بنات لدرجه مرات ما اقدر انام من المغثه

اهلا بك يا ابنتي ويبدو انك الصغيرة بينهن ويبدو انهن تزوجن واصبح لهن حياتهن الخاصة وانت لا زلت الطفلة المرفوضة لانك صغيرة ولا تهرفين كلام النسوان ولا خرجات البنات ولا يزلن ينظرن لك انك صغيرة وتابعة وغلباوية في طلباتك. هذا من وجهة نظري رايهن. وانت بدلا من ان تبحثي عن نفسك وتستقلي وتطوري شخصيتك تريدين البقاء معهن ولا الومك لانهن اخواتك ولكن من الواضح فرق العمر وفرق الظروف فهن زوجات سيدات وانت طفلة صغيرة، نصيحتي لك لا بتكي ولا تنغثي وابداي بالاستقلال عنهن ففارق العمر بينكن كبير في هذه السن، ركزي على امورك وعلى ما تريدين واسعي لتحسين العلاقة مع امك وابيك وفكري في دراستك وفكري في مهارات تتعلمينها واجعلي لنفسك بعض الصديقات او القريبات لتقضي الوقت معهن، ولن اقول لك ان الاهل لهم دور رئيسي بالامر ولكن امك في صف اخواتك الكبيرات لانها نسوة ومتزوجات وانت لا زلت صغيرة، فعليك ان تنضجي في تفكيرك وتكبري وتتعلمي وتستقلي وتبحثي عن تطوير ذاتك، وكوني صاحبة شخصية قوية ومستقلة ولا تسمحي لهن بالسيطرة عليك ولا تلبي رغباتهن الا بارادتك ودعيهن يشعرن بحاجتهن لك، كوني قوية ولا تبكي ولا تنهاري ولا تظهري حاجتك لاحد الا لرضا الله ووالديك عنك وربي يوفقك.