الندم

المشكلة:انا و جوزي كنا عايشين في امان و كان بيحبني و يحترمني و كنت كل حاجة له و هو كمان و كنت معاه على الحلو و الوخش و بشهادته اني كنت جدعة و صبورةو كنا عايشين مع بعض باحد الدول العربية الى ان قرر اني انزل لاهلي لفترة و ارجع تاني بس هو مرجعنيش و خلف وعوده بحجج كتير و انا صدقته و صبرت لكن جوزي اتغير معايا و عرفت انه على علاقة بفتاه من بلد و انه هيتجوزها و يسيبني و لما واجهته انكر بس اتغير فاجاة معايا و يتهمني اني عملت له مشاكل في حياته و اني اكرهته على الخلفة و فاجاةمبقاش يسال عني في الوقت اللي بتجيلي رسايل من المرأة اللي يعرفها انه بيحبها و هيطلقني و انه ندمان على جوازي وان انه يتمنى لو يغمض و يفتح يلقاني اختفيت من حياته وحياته معايا جحيم و كان بيقرف يقرب مني و لولا انه مش معاه فلوس كان طلقني وخلص و بتطلب مني اتنازل عن حقوقي و ازاي برضا اعيش على ذمة واحد كارهني. انا خفت اصارحه باللي بيتبعت لي لانه مش هيصدقني دة غير ان الكلام مهين لكرامة اي انسان... انا بحتسب عند الله و ربنا اعلم اني مظلومة و بطلب من الله يساعدني و يجيرني في ما اصابني

الحل: اهلا بك يا سيدتي وبارك الله بك من امرأة محترمة وتراعي امور بيتها وزوجها، ولكن صدقيني هو لا يستحقك، وان شاء الله ربنا يكتب لك اجر صبرك عليه وما فعلتيه معه في ميزان حسناتك، ولكن ان تذلي نفسك فهذا امر مرفوض فانت تستحقين ان تكوني السيدة التي لها قيمتها، ولهذا احتفظي بكل الادلة التي عندك، واعملي عنها صورة وخبي الادلة جيدا، واجمعي اهلك واهله معا في مجلس واحد واحلفي انك ستقولين كل القصة حسب ما يرضي الله، وقصي على ابويك وابويه القصة كاملة وما حدث وقولي لهم انك تريدين حقك وتريدين من ينصفك، وانك ترفضين هدر كرامتك ولن ترضي بان تاتي امرأة لتقول لك هذا ولن تتنازلي عن قرش من حقوقك وانك تنوين تقديمه للمحكمة بتهمة الخيانة وابلاغ سفارة تلك البلد بما يحصل وستقلبين حياته رأسا على عقب عليه وسيتمنى لو يغمض عين ويفتح عين ويلاقي نفسه يترجاك للتنازل وانت سترفضين، امامك الكثير لتفعليه فكوني قوية ولا تخافي فانت بريئة وهو الظالم وسيقتص الله منه، والمهم ان لا تسمحي لأحد بمس طرفك وربي يوفقك ويقويك.