هل يحبني بصدق ام يتسلى بي

سلام انا بنت عمري 20 سنه انا من عائله متشدده وانا البنت الوحيده في عائلتي ف قبل فتره ما اعرف ايش قاعد يصير لي هل يحبني بصدق ام يتسلى بي فأنا صرت افكر بواحد عرفته عن طريق النت هو كان يبث لعبه معلوماته رجال بالثلاثينات مااعرف كم بالضبط لانه مو حاب يقول وهو دكتور جراح غير متزوج ف الموضوع بداء من اول يوم دخلت للبث حقه هو جدا محترم وطيب ف بعد فتره يمكن اسبوعين اتوقع طلب مني اني اتواصل معه بالخاص على الانستا فكان عندي مشكله ف قلتله اني عندي مشكله انت كلمني على الخاص انا مااقدر اكلم احد فسكت مارد علي طبعا احنا هنا نتكلم في البث حقه فرجعت بعد شوي وسالته انت تعرف حسابي ولا اكتبه قالي اكتبيه ف اعطيته طبعا انا ماعمري تكلمت مع احد ابدا لاني ما ابغى اخون ثقة اهلي بس هذاك الانسان انا خفت حسبت انو في شيء كبير هو يبغى يقوله لي يعني شيء مهم يخصني ف بعد البث جاء خاص وتكلم معي ف صادف انو فيه مشكله بتحديث الانستا حقي فما طلعت لي الرساله حقته ف رحت حدثت الانستا ورجعت له وقلت انت وش كتبت لانه مو باين عندي صارت مشكله ف انصدم وسكت شوي بعدين انا اصريت انه يكتب لي مره ثانيه فقالي خلاص فقلت له ايش يعني اروح قالي ابغى انام ف رحت بعد يمكن 3 ساعات رجعت وسالته اذا صحى من النوم ف رد علي انه صاحي من زمان ف استغربت انا الصراحه وصرت افكر في تصرفاته من البدايه كانت غريبه وجلسنا على هذي الحال تقريبا 3 ايام كل ما اقوله تكلم يقولي عذر جديد طبعا انا كنت خلال الثلاث الايام ميته خوف مابغى ازعل اهلي بذات امي المهم صحيت اليوم الثالث وقلت له اني لازم ما اتلكم معه مره ثانيه ونسكر الموضوع ما كاننا تكلمنا ابدا عشان ما ادخل بمشاكل مع اهلي ف وافق على طول وراح مسح كل شيء وانا بعد سويت زيه نجي هنا عند الافكار اللي صارت تجيني كل اليوم اولا انا استغربت منه لمن طلب مني انا اراسله مو هو يراسلني ولمن سكت او ماطلب حسابي بس لمن سالته قال اكتبه غير كذا هو اول مادخل حسابي سوالي فولو مع اني ماانشر في حسابي اي شيء بس كذا مسويته وهو لازال مسويلي فولو ثانيا هو مره في البث قال شعر عن الحب انه يحب وي خاف يصارح حبيبته طبعا انا في البدايه كنت فاهيه ابدا ما توقعت انه ممكن يحبني اصلا الفكره بكبرها ماجات على بالي بس بعد كم يوم صرت احس انه يحبني بس صرت افكر بغرابته في البدايه وقلت يمكن كان يبغى يتسلى فيني بس او بعدين تراجع المهم اني هذي الفتره صرت شتاق له مع اني احاول ما احبه لاني اعرف زواجي منه مستحيل لاسباب كثيره حتى انا اصضلا بحيره من امري اذا هو يحبني بصدق ولا هو يبغى يتسلى بس حتى انه صار يطنشني مرات يعني في البث حقه لمن اتكلم مايرد علي او فيه مرات يقول انا ابغى اقول لكم شيء بعدين نقوله ايش قولنا انا احبكم والله طبعا هذا نفس اسلوبه لمن كان يبغى يتواصل معي على الخاص قالي ابغى اقولك شيء تعالي خاص بس طبعا صار اللي قلته فوق ف انا بدوري توقعت انه قاعد يلمح لي انه يحبني فاانا في حيره من امري وخايفه كثير ياليت تساعدوني بخبرتكم واذا هو يحبني صدق ايش اسوي يعني ما رح اتزوجه ابدا يعني بس رح اتعذب واذا هو يبغى يتسلى ف رح انصدم لاني صدق بديت اتعلق فيه واشتاق له لمن مايبث تكفوون ساعدوووني

اهلا بك يا ابنتي واعتقد انك تدمرين نفسك وثقة اهلك بهذه الافعال، ابتعدي واحذفي كل هذه الحسابات لانك لست ثقة ولست قوية لتعرفي كيف تستعملينها، انها علاقات وهمية افتراضية وتودي بك للدمار، رجل لا تعرفين اصلا ان كان رجل ام شاذ ام مريض ام من معك تبوحين له وتعطينه ارقام حساباتك، هل انت جاهلة ام قاصر، يا ابنتي يجب ان تعلمي اهمية الحفاظ على نفسك وسمعتك وكرامتك، اتركيه وتابعي حياتك ولا تخوني اهلك فان تدمرت الثقة بينكم ستخسرين الكثير، ابتعدي واياك ان تعودي لمثل هذه الاعمال فهذا لا حب ولا عشق كله كلام في كلام ودمار في طريق الباطل، واصبحت تفكرين بالزواج وانت لا تعلمين اصلا ان كان رجلا، اياك يا ابنتي اياك من مغبة هذه المواقع وسوء ما فيها، ركزي في دراستك وابق بجانب امك واهلك وصوني عفتك واريحي ضميرك واعلمي ان الزواج قسمة ونصيب ولا يحدث هكذا، وربي يوفقك.