أقف عند حقي صامته

أعانى من الأحراج فى مواقف معينة مثلا يوم زواجى كان الميك اب لا يعجبنى وشايفة نفسى وحشة ومش عاجبنى اللى الكوافيرة عملته فى وشى ومع ذلك بقيت واقفة أبص على نفسى فى المرايه ومش عاجبنى شكلى نهائى ومقدرتش أفتح بؤقى وأقول للكوافيرة الميكب تقيل ومش حلو وكل الناس لامونى بعدها إنى مقلتلهاش إنه مش عاجبنى ومقدرتش أقولهم إنى لسانى أنعقد عن الكلام وبيحصلى ده معظم الوقت فى مواقف مختلفة فى حياتى المهم إنى بعد كل موقف ضميرى بيأنبنى إنى سكت عن حقى ومع ذلك ممكن يتكرر الموقف بس بشكل مختلف شوية وأبص الأقى نفسى عاجزة عن الكلام والتعبير عن رفضى لهذا الأمر والمشكلة بقى إنى بكون عارفة إن ضميرى هيأنبنى على إنى سكت وم بتصرفش التصرف الصح فى ساعتها ومع ذلك لا أحرك ساكنا مؤخرا بعد حدوث موقف هز حياتى كلها وخلانى عايشة فى جحيم من يوم حدوث هذا الموقف وأنا بقيت أجرأ شوية آه مش جريئة بالشكل اللى يريحنى نفسيا بشكل كبير بس بحاول متنازلش عن حقى على قد ما أقدر ممكن دا غير إنى أوقات كنت بعرف أتصرف قبل ما يحصل لى الموقف اللى قلب حياتى جحيم يعنى مش دايما كنت بعجز عن التصرف بس فى الغالبية العظمى مكنتش بعرف ولما بيكون فى حد من أهلى مثلا معايا او اصحابى بلاقى نفسى أجرأ شوية وبعرف أعبر عن اللى جوايا بس برضه مش دايما

اهلا بك يا ابنتي والتعبير حق من حقوقنا، ولكن التخاذل عن المطالبة بالحق يجعل الشخص مطمع سهل وفريسة لكل من يريد ان يتجبر ويفرض رايه او يتجاوز عن خطأ قام به، مثل عاملة الكوافير لم تقم بعملها بشكل صحيح فكنت انت الضحية، والموقف الذي حصل لو كنت قوية والشخص الذي امامك يحسب حساب ردة فعلك لما قام به، للاسف الناس تتجاوز على الشخصية الضعيفة وتستغلها استغلالا بشعا، وبالطبع هذا مرفوض لان الانسان من حقوقه التعبير والقبول والرفض ولا يجوز ان يتنمر احد على الاخر. وانت تسمحين للاخرين بالتنمر عليك لانك بنيت في عقلك الباطني فكرة انك ضعيفة وفكرة انك ضحية وفكرة انك لا تقدرين على الرد والكلام، والحقيقة انت قادرة ولكن لست جريئة ولست واثقة من نفسك لذا يجب ان نعمل على هاتين النقطتين ان تصبحي اكثر جرأة وان تصبحي انسانة واثقة من نفسك. وان رغبت في المزيد من المساعدة في تطوير شخصيتك فقط ارسلي لي رسالة تالية وتوقفي عن لوم ذاتك وجلدها فلا فائدة من الامر الان ويجب ان تعرفي اهمية تطوير ذاتك والهدف من وراءه وربي يوفقك وبانتظارك ان احببت المتابعة.