خيانات زوجي

المشكلة:مشكلتي مع جوزي من سنتين لما اكتشفت انه بيكلم بنات عمواقع مختلفة من التواصل الاجتماعي .. اول ما عرفت انقهرت كتير و تعذبت لاني حسّيت بالإهانة و هو اعتذر و طلب السماح و انا غفرت و سامحت و حكيت معلش رح مشيها كرمال بيتي و اولادي و رجعت امورنا تتحسن الحمد لله.. من يوم ما اكتشفت انه زوجي بيكلم بنات ما حاولت فتش وراه و لا مرة و لا لأي سبب كان و حكيت يا بنت ازا بدك تحافظي ع بيتك و جوزك و اولادك انسي و عيشي حياتك معه بما انه هو منيح معك و عيشي حياتك ... من كم يوم رجعت شفت رسائل و كلام غزل مع بنات كمان وقتها ما حسّيت بأي شي و لا اهتزلي رمش و الموضوع كان عادي ل درجة اني استغربت من حالي انه ما صار و لا ردة فعل وحدة من الموقف و تاني يوم مشي طبيعي الصبح قمت من النوم متل لعادة و جهزتله القهوة و فطوره و هو طالع عالباب فجرت القنبلة ... حكيتله انه لسا انت بتحكي مع بنات و انا شفت امبارح بالليل صرخ عليي و حكالي اه و انتي ما دخلك و انا بدي احكي ما الك علاقة فيي و اياكي ترجعي تفتشي وراي حسّيت هيك صارت الشغلة علني و بطل يحكي بالمستور صار عالمكشوف الغريب انه نهاري مشي عادي متل اي يوم حتى ما نزلتلي دمعة من الي صار رجع بالليل من الدوام و كان معصب شوي تركته و ما حكيت معه و نمت جنبه متل العادة لانه شو ما صار بينا بالعادة ما بنام بغرف منفصلة من لما تجوزنا من ١٠ سنين و كأن شيء لم يكن و هو تصرف عادي عطبيعته متل كل ليلة و عادي وضعي هلا ملخبط في شي عم بصير جواتي ما عم بستوعبوا .... معقول جوزي يكون براهق و فترة و بتعدي ؟؟

الحل؛التواصل والتحدث بصراحة ووضوح هي أفضل الطرق للتوصل لحل مع زوجك في تصرافاته، أطلبي منه أن تتحدثا سويا وصارحيه بكل ما تشعري به واسأليه عن أسباب ما يفعله وأكدي له أن ذلك يؤثر على مستقبل أولادك وكيف سينظر له أولاده إذا عرفوا ما يفعله أبيهم