الإنتقاد

المشكلة:السلام عليكم عندي مشكله وابي منكم الحل انا متزوجة من عامين والآن حامل باول طفل لنا زوجي مزاجي وانتقادي يعني لما يجي يوم ويشوفني تعبانه مايحن علي لما أكلمه وأقوله تعبانه يقولي إنتي مريضه "نفسية "فيك شي ! علما اني ما اتصل عليه كثير باليومين مره طلباتي ما اطلب شي نهائيا الا لما يكون ضروري واحتاجه يروح ويبعد ولا يتصل يأخذ قرارات بدون ما يأخذ رائي فيها ومع ذلك اسكت ويدري انه ما يعجبني يعصب من أمه وخواته ويجي يتقهوى وأخلي القهوه ما اشيلها لاني لسى بتقهوى بعد ما يطلع يقولي انتم يالحريم ما تفهمون ما تستوعبون استغرب وأقوله ليه يقول لازم اقولك شيلي ! توفى ولد خالته وهو قريب له وتأثر بقوه حتى نفسيته خربت لما اتصل عليه اتطمن يقول لي :"نعم فيه شي تبين شي ؟ فاضيه انت ماعندك شي اربع وعشرين ساعة الجوال بيدك تحسبي الناس مثلك روحي تصفحي شي تستفيدي منه " أسلوبه عجيب غريب وعندي قناعة بنفسي اني ما سويت شي غلط معه والله الله العظيم اني ما قسيت عليه حتى قبلها بكم يوم كلمني وهاوش علي ورضيت من نفسي قلت مضغوط نفسيا سامحيه يابنت الحلال احيانا احس انه يبغاني وأحيانا احس انه يبي الفكه بس ماهو عارف شلون لدرجه الجلسه بالبيت يستكثرها علي يقولي اسمعي ترا اليوم جلست لا تشغليني واسكت مع اني ما اقول له اجلس مخليته على راحته اليوم اتصلت عليه عشان اني طلبت من موقع وقلت له ان هاذي احتياجاتي للبيبي الجاي فقال لي اطلبي الي تحتاجينه بس قلت ايه بس ذولي وفيه حاجه قلت اخذ رأيك فيها قال إنتي تحسبينن فاضي ماعندي هموم ما عندي مشاكل قلت طيب قال انتم يالحريم ماتفهمون اتعب وانا اشرح لكم !انتي تاخذين اشياء ما تحتاجينه قلت له طيب الله يهديك اسمعني قال اسمعي هذا الي تبينه بطلبه خلاص تبين شي مشغول قلت لا سلامتك قسمن بالله انه يوجع قلبي تصرفاته واني اكتب وانا اصيح ايش الشي الي سويته عشان يهاوش علي مو عارفه كيف اتصرف معه وأفكر اجلس عند اهلي لين الولاده.

الحل: يااختي بيجي وقت ويتغير الزمن يغير كل شي صدقيني من قبل انتي كمان لازم تتاقلمي مع طبعه وتحاولي انك تمشي او تطنشي بعض تصارفاته لاجل الحياه تستمر مافي انسان مرتاح مهما كان مرتاح وسعيد لابد من غصه في القلب السعاده ما اكتملت لاحد اهم خطوة تقومين بها هو مصارحة زوجك بان هذه الصفة انتِ لا تحبينها خاصة استهزائه ثم لابد لك ان تفرقي بين ان يكون زوجك يستهزء بك وبين ان ينتقدك نقد يريد به ان يطور شخصيتك