بلا مشاعر أو حب

السلام عليكم ورحمة الله وبركاته انا متزوجة من سنتين وعندي طفلة ٨ شهور كان زميلي ف العمل ٧ اشهر ثم عقدت قراني سنة كاملة وبعدها تزوجنا . زوجي كان يهتم فيني حتى كان يدخل معاي المطبخ ويقول لي نفسي تطلبي اجيب لك شئ لاني من النوع اللي م تعود يطلب من غريب ويخرجني هذا كله ايام العقد وبعد تزوجنا بدأت المشاكل اولا انا من النوع اللي يحب الاستقلالية وكان شرطي معاه ان نسكن لحالنا ولكن اهله جيراني بيني وبينهم باب هالحين صاير اعتماده الكلي ع اهله بالذات امه لو ابغى فلوس وهو ماهو موجود يقولي قولي لأمي تعطيك لو ابغى شئ من السوق كلمي اختي توديك وهو ولايهتم في لدرجة اني مرضت بزكام ٣ايام ماحاول يحط يدوا علي ولايسألني كأنه مخاصمني اقسم بالله الثلاثة ايام م خاطب لساني لسانه الا يسأل فين الساعة والا القميص وغير كدا حياتنا كلها ملل كل همه الجوال والتلفزيون وانا كأني اثاث من البيت مع انه يضحك ويتونس مع كل الناس الا انا لما اجي اتكلم معاه يطنشني واهله بس مشاكل اي كلمة تنقال لازم يحولون الكلام لشئ ثاني وانا مااحكي له لان محد يرضى ف اهله وبالذات امه مع انها لها وجهين غير المصاريف كلها لأهله وانا لو اطلب شئ يقوم الدنيا وامه بس تشوف شئ عندي لازم يجيب لها مثله بنفس الوقت وكل م اتناقش معاه لازم الكل يسمع اصواتنا صرت م اقدر اتكلم ولا ازعل وهو م يهتم لزعلي ولا يعتذر وكلامه جارح صرت ما اثق فيه لو احكي له شئ لما نتخاصم يذكرلي الموقف مثل امي تزوجت وطردتني من بيتها وانا نفاس وبعد جيت بيتي بشهور تخاثمت مع اخواته وانا قلت له ابغى انقل بيت ثاني بريح بالي قالي ليش ماهو بعاجبك البيت وانا قلت له ايه ماهو عاجبني قام قالي هذا البيت أويكي ولامك لان م عندك اهل انا طفشت احس الملل بيقتلني وعدم اهتمامه انا نسانة مرحة وخفيفة الظل ع قول كل الناس وانيقة ونظيفة واهتم فيه اكثر من نفسي وادلعه وهو ماهو مقصر ف اغراض البيت بس مقصر فيني صار م عندي رغبة في الاختلاط ولا الضحك بس ابكي لغى شخصيتي ويتعامل معاي كأني طفلة يصرخ وينتقد ويعاند وانا بس البي طلباته حتى ف الفراش لما يطلبني وانا زعلانة م ارفض ومايهتم اذا م عندي نفس ايش اسوي

مشكلتك الاساسيه غيرتك من والدته وحبه لها ، خاصه وأن علاقتك بوالدتك التي تزوجت وطردتك سيئه للغايه . تقبلي أهله واحبيهم لتعيشي سعيده وكأنك فرد من العائله ، لا تقارني ما يعطي والدته بما يعطيك ، اتركيه يبر بها كما يشاء لأنه سيقدر لك ذلك . لا تنتقدي حياتك معه أو تطالبيه بما لا يريده لأنك بالفعل ليس لك أحد سواه فراعيه وغيري طريقه تعاملك معه حتى لا تخسري كل شيء . ابتسمي في وجهه وليس في وجه الناس فقط ، استقبليه بحفاوه ، تقبلي طباعه واحبي أهله ولا تنتقديهم أو تشكي له تصرفاتهم ، بادري أنت بالتعبير عن الحب ليبادلك إياه ، ادي واجباتك بكل طيبه خاطر وستجدين أنه تغير وعاد كما كان.