نظرات الناس تلاحقني

السلام عليكم ورحمة الله وبركاته ببدأ بمشكلتي والله يسعده اللي يساعدني في حلها ، انا من اسبوع تقريباً قريت حلم وخوفني ومن بعدها جاني وسواس قوي وهالايام احس بضيقه قويه بصدري والدمعه باللياله تنزل والله ابي ابكي ابي ارتاح مو قادره حاولت اروح للجيران اسمع سواليف لعل يتغير تفكيري ومزاجي لكن لافائده احس بضيقه وكل ماصادق احد لازم اتهاوش معه ونترك بعضنا ، ونفس الشيء بالحب ، وفوق كل هذا شكلي شكلي معقدني وظروفي صعبه وفيني عيوب خلقيه ابي اشوف احد مثلي تعبت من نظرات الناس بالمدرسه وبالسوق احاول اصير قويه ابين لهم اني قويه وماتهمني نظراتهم ، جتني فتره قبل شهور يوم افترقنا انا والشخص اللي احبه صرت دايماً ابكي بالليل ومن بعدها صرت نادراً ابكي ، وفوق كل هذا ماعندي شخص يواسيني وامي لاقلت لها متضايقه تقول تعوذي من الشيطان ، ياناس وش اسوي عمري ١٥ واعيش كل هذا الالم ولكن الحمدلله على كل حال ، اصبحت اسمع الاغاني احاول تركها لكنني لااقدر ولااقدر على البكي الا لما اسمع اغنيه مؤثره تعبر عني

عزيزتي منيرة، يبدو لي انك متأثرة لترك حبيبك وانك تشعرين بالفراغ والوحدة. ما رايك ان تفتحي صفحة جديدة في حياتك، انت في عمر الزهور وامامك الحياة مليئة بالأشياء الحلوة فاستغلي ذلك. لا تحصري حياتك في مشكلة او اثنتين بل اشغلي نفسك بدراستك وانشطة جديدة، رياضة او هواية او مهارة ما. اما بالنسبة للعيب الخلقي فهل بإمكانك تصليحه؟ لا تركزي على مشكلة معينة في حياتك وتحصري كل تفكيرك وحياتك فيها، بل ابحثي عن نعم الله الوفيرة عليك وقدريها. اهتمي بنفسك وطوريها واقبلي على الحياة بنشاط وسعادة وهمة وستشعرين بفرق كبير.