انتقادهم غيرة أم معهم حق

مرحبا...ادا سمحتوا عندي موضوع بيخصني حابه اطرحه...انا ست متزوجه من 8 سنوات انا من الاردن...مو عارفه كيف ابدا بالموضوع بس باختصار..انا بعاني من كتر الي ما بيحبوني بالدات من اهل زوجي .لعدة اسباب واليوم السبب الي بدي احكي عنه هو انهم بيقولوا عني اني ''مو ملحلحه'' هاي الكلمه معناها اني مو نشيطه والى حد ما( نايطه.) وما عندي اداره.....هم ما بيقولولي اباها بوجهي بس بين بعضهم وكتير بيوصلني هالحكي وبدون ما يوصلني كتير بحس من اسلوبهم معي.......انا تقييمي لنفسي اني مو نايطه بس انا بشغل البيت متلا بطيئه ...وباخد وقت لحتى اوصل للترتيب والنظافه الي بدي اياها...وفيي طبع اني بحكي عن اي مشكله بتواجهني (ادا كانت المشكله مو خاصه ) فبهاد الحكي هاد اكتشفت انهم بيكونوا عني فكره مو منيحه ... يعني متلا اي موضوع بيخص الاولاد او حتى اني مو عارفه شو بدي اطبخ يعني شغلات متل هيك بسيطه..وهم اي كلمه او تصرف بيفسره ووبيبنوا عليه فكره معينه.. ..هم خوات زوجي وسلفتي ...انا موعارفه تصرفاتهم هاي بس غيره...ولا كره ويمكن معهم حق...وانا قد ما انا هبله...صرت بس اكون بمكان واحد معهم بلتخم بزياده وببطل اعرف اتصرف ولا احكي ولا ادبر حالي مع اولادي وبضل متوتره مو عارفه كيف (ارضيهم) مشان ما يشوفوا مني شي غلط!!!! انصحوني كيف اتصرف معهم...واصلا كيف اكون اكتر نشاط وابين اني عندي اداره اكتر.....سامحوني...شكرا الكم

ارضاء الناس غاية مستحيلة سيدتي. ما عليك عمله هو فقط الاستماع للنقد، فالنقد أحيانا هدايا تفتح عيوننا على أشياء كثيرة. الاستماع للنقد لا يعني اننا بتنا ضحيته، لا، نستمع له، ونحسن أمورنا، ونترك الاشياء لتنضج لوحدها، أو ناخذ قرارات تجاهها نصلح بها أوضاعنا. بعد ذلك سيري واثقة الخطى بهدوء، ليس هناك من كامل، ولو كان عندك نقيصة نقد الناس في مناسبة أو غير مناسبة لكنت كشفت كل نقاط ضعف الناس ووجهتي لهم أشياء تصعقهم. ولكنك لست هكذا. سيري بطريقك، ومن ينتقد هذه مشكلته، وليذهب ليصلح نفسه. لا تدعيهم يربكوك سيدتي، لماذا؟ هم ليسوا أهم منك. اعلني على الملاْ انت تبذين جهدك والباقي على الله. اثبتي لنفسك ولا لاْحد آخر. شكرا