يقهرني بتصرفاته وتجاهله

السلام عليكم ورحمة الله وبركاته مشكلتي انني توني متزوجة لي 4شهور ومشاكلي مع زوجي شي يقهر تصرفاته اتجاهي تحسسني انه مايبيني اول مشاكلي معه انه يبعد عني ومايبيني حتى المسه النوم كل واحد في غرفة السبب ما يحب السرير؟؟! يبي تلفزيون !؟ اشياء غير منطقية بس صبرت وقلت اتحمل فوقها مايبي ولا حتى يفكر يطلع معي بإعتقادة ان طلعاته معي بتنقص من قيمته كالرجل متناسي انه لي عليه حقوق زوجيه ليش يتزوج ويوهقني بعلاقة زواجة وصلت لفشل وين الزواج اللي يقولون عنه حنان مثل الأم و الاب ؟! المصيبه امي متوفيه من كنت صغيرة وحاشمه نفسي عن الحرام اساس اذا تزوجت زوجي بيعوضني عن كل شي فقدته بحياتي بس للاسف المصيبه وفوق هذا كله حتى السفرة الوحيدة اللي حلمت اسافر معه فيه لبيت الله قالي اهله وحريم اخوانه بيجون معنا انصدمت لان هذي اول سفرة انا وعن شهر العسل بس قلت يلا اللي ما فيه خير لأهله ما فيه خير لناس .. سافرنا مع اخواته الحمدالله اعتمرت بس ما توقعت نهائي انقهر من اني اشوفه يفشلني عندهم والثانية اشوف زوجي متضايق اروح وأسأل وينه عشان بروح له أطيب خاطرة انصدم أخته تسمعني اسأل وتروح له قبلي ولاتمشي معه وتسولف معه طيب وانا ؟؟؟! ولا بالطواف مو المفروض انا اللي اكون معه وأكمل مشي وانا احاول ازين نيتي واقول انا جايه له لانه متضايق اتفاجأ يهاوشني ويهزئني قدام أخته ويروح ويخليني وتعبي ماعطاه اي إهتمام بدال مايعتمر معي ويمشي معي صار معها وبالاسواق يمشي ويضحك ويشاورها وانا الخدامة ورا وين اللي كان يقول مايحب يمشي مع حريم انا زوجته وهذا حق عليه من حقوقي شوي انا وحسبي الله ونعم الوكيل عليها

وعليكم السلام صديقتي ،للاسف اذا كان هذا تصرفه في بيت الله الحرام فاي نوع من الرجال هو .ولكن سؤالي صديقتي الم تجلسي معه قبل الزواج وتتعرفي عليه ؟الم تشعري بتعامله معك بعدم محبه منذ البدايه ؟؟ انصحك منذ الان ان تذهبي وتشتكي لابيك وان تساليه اذا كان لا يريد الحياه معك فعليه ان يخبرك لانك لا تريدي الحياه بهذه الطريقه بالتاكيد وانصحك بعدم الحمل في الوقت الحالي ولتعلمي ان الانجاب لن يغيره ولن يقربه منك فقط سيزيد مشاكلك فانتبهي ولا تسكتي وتخجلي وتتنازلي عن حقوقك والا ازداد الامر سوءا .