أمي ضرة زوجتي

انا وحيد لامي يعني الشاب الوحيد بين 3 صبايا ، امي دللتني كتير وبعد زن زطلب من ابوي وخواتي وعماتي اقنعوها تخطبلي ومن هون بدت المشكلة، المشكلة انه امي طول الوقت كانت تسمعها حكي واضلني اقول لخطيبتي طولي بالك وكانت لو بدي اجيب اشي لخطيبتي لازم اجبلها وكنت احيانا اجيب لخطيبتي بالسر... ولما كنت بدي اطلع معها كنت اطلب من خواتي يغطوا علي ع اساس عارفين وين انا واني مو مع خطيبتي .. قضيت فترة خطبة صعبة قررت اتزوج بسرعة بركن تعودت.. للاسف صارلي شهرين متزوج وفي عذاب ومرتي بتعاني وعم اتعاطف معها بس بردو هديك امي... امي كتير بتتصل الفجر انها تعبانة وبروحلها وبهالشهرين خلتني انام عندها اسبوعين وابعت مرتي عند اهلها الحلو بالموضوع اني ابوي وخواتي معي ... بساعدوني بس بردو هي بتضل تزعل وبدايقني هالشي وزوجتي بلشت تلمح انها مو قادرة تستحمل اهانات واني اهملها... انا تعبت لدرجة اني ندمت اني تزوجت

المفروض ان يتحدث معها الوالد وان يفهمها ان هذا لايصب في صالحك واذا كانت تحبك تتركك تعيش حياتك وانت يجب ان تسحب نفسك تدريجيا منها حتى لو زعلت حتى تتعود انك تزوجت ولك حياتك واخواتك المفروض ان يشغلنها عنك بالتسوق او المشاوير وانت عوض عليها بالهدايا او ماتحبه من طعام واجعل يوم واحد في الاسبوع معها وكن حازما وصدقني كل شيء تعويد