الحوار مفقود

السلام عليكم يعطيكم العافية عمجهودكم وبتمنى يكون خبير بالاضافة لاراء القارئين لقصتي انا تعبت والله تعبت من زوجي يلي مابقدر اتفاهم معو عم حس حالي جارية وبس بالبيت لاهو طايقني وانا كمان كرهتو بيتنا كلو طاقة سلبية مابقدر نقاشو ولا احكي معو بشي عالسريع بعصب وببلش اسوء الكلمات والمسبات والضرب صرت بسكت لاني بخاف من ضربو مجنون مابعود يوقف بس بلش وبصير يدور عاي شي ليضربني فيه ياما وياما قاعدة اسبوعين وجسمي معلم ومورم بعد مانزلت قصتي من قبل هون غلبية كانو معي اني انفصل عنو اخدت قرار اني انفصل فعلاً بس حتى لما بحكيه بهالموضوع عم يعصب لانو وضعو بالشغل صعب والظروف مادية كمان يعني حتى اجار سفري ع بلدي مامعو وانا مضطرة اتحمل واققعد بس والله مخنووووقة كتير لا قادرة قعد وكفي معو وهو ممكن ةل شوي يعصب ولا بايدي سافر شو اعمل ساعدوني بدو نعيش سوى بدون روح بدون مانقرب صوب بعض وهي ماعيشة لاني ابدا ما متقبلتو وفي خوف يعني انا متحملة اكتر منو رغم صبري عليه عطول يضرب وكيف انسى والله مابعرف مرو علي سبع سنين هيك ولا غير عادتو وعقولو اي كلمة شو ماحكيت مستفزة واذا علقت بينا مشكلة بيروح بيحكي فيها قدام رفقاتو ديما مطالعني وقحة ومتحملني وباسلوبو عم يبين بلاشخصية هو نقلي انو كذا حدا من رفقاتو هاد رأين كان عم حسو متل الولاد فعلاً بدون شخصية ومافي عندو تصرف ديما مضيعنا معو تعبت منو كتير مشان الله ساعدوني والله ماقدرانة ضل يوم واحد معو

كان الله في عونك ، الضرب والتعنيف مشاكل كبيرة. ولا يمكن ان تبقي على هذا الحال خاصة انه لم يترك اي مجال للكلام والتفاهم. الضرب سبب كاف لتطلبي الطلاق، أستعيني بشخص يقدره زوجك عله يستطيع ان يصلح بينكما ويقنع زوجك ان الضرب ليس وسيلة للتفاهم وان الزواج مودة ورحمة. حاولي الاستعانة بمن ينصحه وان لم يتغير حاله فلا يبقى غير الطلاق حلا مع الأسف. العنف يولد العنف وان لم يتوقف الان فغالبا سيؤدي اكثر في المستقبل فلا ترضي بذلك.