لا يحق لي العتاب

السلام عليكم عندي مشكله واحتاج احد واعي يتكلم معي فيها انا متزوجه من علاقه شخص من اقاربي وتزوجني قبل ٧ شهور لما تزوجنا في اول شهر اكتشفت انه مازال يخونني وتفاجأت ، المشكله اني ما نسيت ولا لحظه هذه المصيبه وتكلمت معه واعطاني عذر اقبح من ذنبه ! لكن قررت اني اعديها وامشي الموضوع لاني احبه وابغاه وما ابغى اخسره ابداً مرت الايام وكل مره اتضايق ما يكون لي حق في ضيقتي وهو له كامل الحق والرعايه والاهتمام والحنان احياناً يغلط علي واتضايق ولما اشكي له يلومني في كل شي ولا يسمعني اذا تكلمت كل مره يقول سكتي سكتي مابغى اسمعك! اذا تكلمت معه فجأه يقوم من مكانه يغير المكان ويقول الحقيني اسمعك ويبغاني امشي وراه ! ضربني مرتين من قبل لكن خفيفه واخر مره كنت في قمه عصبيتي وانهياري من مواقف كثيره منه وما قدرت ان اسكت ابداً ولا دقيقه احتجت ان اتكلم لانني فجأه تعبت من السكوت اتهمني باشياء كثيره في البيت والاسلوب واني ما اعرف اتكلم وبيتي دائما غير مرتب والخ من هذا الكلام! واخر مره ضربني فيها حلفت اني اروح بيت اهلي وما ارجع الا برضاوه ويشعر ان لي قيمه في البيت وان وجودي ليس كعدمه وانا كارهه ان اخرج من بيتي انا ما اعرف وين راح صبري ! انا صبوره لكن انضغطت جداً واعرف انه نادم على اللي صار ووعدني بيرضيني ابغى اعيش حياه هادئه معه وما ابغى اتركه لكن ابغاه يحس ان عندي رجال وراي وعندي كرامه ويتأدب معي خاصه بالضرب ابغى حل من استشاريين متخصصين في هالمشكله الله يجزاكم خير .

اول سنوات الزواج هي الاصعب حتى يتأقلم الطرفان على كل التغيرات التي تطرأ على حياتهما بعد الارتباط. الزواج يحتاج لعمل كثير وصبر وحكمة حتى يستمر لكن ذلك لا يعني ان ترضي بالإهانة والضرب ابدا ابدا. ابدئي بمعالجة المشاكل بنفسك دون ان تتركي البيت، اجلسي معه بهدوء واطلبي منه ان يسمعك، كلميه دون عصبية واشرحي له انك تحبيه وحريصة على زواجكما لكنك لا ترضين بأسلوبه، كوني واضحة فيما تريدين. ان كنت تشعرين انك غير قادرة على الحفاظ على هدوئك في الكلام معه فأكتبي له رسالة تشرحين فيها كل شيء. الضرب مشكلة لا يستهان بها وان سكتت عنها الان ستتفاقم دون شك. ارفضي الضرب تماما ولا تعطيه أعذارا بشأنه، كوني واضحك معه انه في حال ضربك مرة اخرى ستذهبين الى اهلك ولن تقبلي بذلك ابدا.