لا العقاب ولا السكوت

السلام عليكم .. انا متزوجة وزوجي يحبني كثيرا ويقدس الحياه الزوجيه حتى ان اهله يغاروا من كثر اهتمامه بيا وحبه ودايم سيرتي ع لسانه ...رومنسي كتير كتير ويتأثر لما ازعل منه وينصدم لما اثور عليه لمشكله او لاخرى ..لانه لايرى في الدنيا غيري وانا لااقولها من باب الثقه والتفاخر ولكن لانه فعلا كذلك لدرجة اني كنت بتضايق من وجوده المستمر معي وكانه طفلي وليس زوجي ومع الايام تعودت واصبحت اشركه في اعمالي وحتى في الطبخ لانه كذا ولا كذا هو لازق فيا ..فقلت استفيد منه احسن .. لكن عنده مشكله كبيييييره اعترف لي فيها وصعقت وبكيت وتخاصمت معاه كثيرا ولكن للاسف هو لايراها مشكله ..هو يسافر احيانا للعمل ويغيب ايام قليله وانا كنت افرح لما يقرر يسافر لاني ارتاح منه شويه واخذ حريتي ..بس بعد ماقال لي السر صرت اكرره السفر ..قال انه بيشرب لمن بيسافر ????.. صرخت في وجهه وقلت ليش حرام عليك صلاتك ماتقبل وووو ولكنه يقول ان شالله حتركه ولكن مرت الشهور وهو يكرر نفس الفعله وفي كل مرة بيعترف لي فقلت له خلاص لاتقولي اي حاجه تصير معك انت حر ان شالله عمرك ماتبت انا بعاملك بنفس الحب لاني بحبك بس انت بليز لاتخبرني باي شي ممكن يزعجني ..قال حاضر بس برضه اول مايسافر يصور لي ويكلمني بصراحة عمري ماحسيت انه فيه شي متغير لا كلامه ولا عقله لولا اني فعلا بشوفه يشرب ماكان صدقته .. وصرت ارمي عليه اتهامات الخيانه وقلت اللي يشرب يعمل اي شي بس هو كان ينصدم ويقول ايه علاقه الشرب بالخيانه اصلا لما بشرب اول شي اتذكره هو انتي ومستحيل اي بنت في الدنيا تخش مزاجي ..بعدها طلبت منه اني اسافر معاه وكان فرحاااان جدا لدرجة انه كلم كل اصحابه وقالهم انه حياخذني معاه بس انا كنت خااايفه جدا من موضوع اني اشوفه فعلا يشرب .. وفعلا شفته وتغير مزاجي وعصبت عليه جدا وطلبت منه مايقرب مني ..وحسيت كانه ندم انه اخذني معاه .. الغريب انه كان لما بيشرب اول عمل يسويه انه يسمع اغاني رومنسيه وتدمع عيونه بس انا كنت بقرف منه ..اليوم الثاني طلب مني انه يطلع يشرب برا لاني اخرب عليه الجو قلت احسن لانك اصلا خاين قال والله ماخنت ولارح اخون ولا يثيرني اي امرأة غريبه اصلا الرجل مايقدر يكون علاقه الا اذا حب وانا ماقدر اقرب لوحدة انا مابحبها ومستحيل ادور لعلاقات الفلوس انا انسان نظيف ومااقدر اتقبل شخص ماعرفه بس خليني اروح برا احسن عشان المشاكل ..وراح وحاولت اشغل نفسي في الوقت هذا باللبس والمكياج واللعب ع الجوال وماهي الا ساعتين ويرجع ومعاه عشا وعقله سليم جدا لكن توازنه مختل شويه وكنت براقبه وهو يمشي ويتكلم وانا في قمة قرفي حتى لا اريد ان اكل معه بس هو قال لي سيبي التدقيق ..استمرينا ع هذا الحال كثيييير وهو زي ماهو بس انا مليت من موضوعه هذا فقلت احسن حاجه اتجاهل فعملت نفسي وكاني مااااعرف عنه شي بس المشكله هو مازال يقحمني في كل تحركاته .. اخر ماتوصلت اليه انه هذا الرجل قد يكون مبتلى بهذا البلاء واني المفروض ماقلل من قيمته واعامله ع انه حر قد يهديه الله في اي وقت وفعلا استمريت بمعاملتي اللطيفه معاه لانه هو بيفرض كدا يعني لو اطلب لبن العصفور بيجيبه بس المشكله هادي ???? وانا صار لي سنتين مع كل اذان بدعي ربنا يهديه .. طلب مني قبل فترة اني اطلع معاه للسفر وقال ان السفر يكون ناقص بدوني بس طلب مني اني اتحمل تصرفاته ومااعلق عليها واحاول امسك نفسي اذا شفت حاجه تزعلني لاني مهما عملت مش راح يتغير الا لمن يقرر هو مش انا .. اول مرة رفضت لاني انا مرتاحه كدا بس بعدين وافقت وكان سعيد جدا ... شخصيته غريبه جدا ومو عارفه اي نوع هو من الرجال المشاكل والعقاب مانفعت معاه والسكوت كمان ماينفع ... مالحل ساعدوني .

الحل: يحتاج لصبر في التعامل وسيطرة أكثر، تعاملي معاه بالثواب والعقاب حتى يتغير، لكن مسألتك تحتاج وقت لان تغيير العقلية بياخد وقت كتير واستغلى الاوقات الجيدة التى تكوني فيها مع زوجك واشرحي له فيها خطورة افعاله