كرهت كل الرجال

المشكلة: أنا بنت عمري ٢٩ وماتزوجت الى الان تقدملي كثير من عائلات كبيرة ومناصب بس دايما ارفض.. مع اني اتمنى اتزوج ويكون عندي بيت وعيال , بس مشكلتي اني وانا في سن المراهقه كنت على علاقة بشاب تعرفت عليه و كنت اطلع معه و كان يحاول انه يتقرب مني , مرة حاول يعتدي علي و انا انحشت منه و قمت أصيح و هو رماني برا السيارة و صار يصارخ فيني و يشتمني و يهدد فيني انه أبيفضحني و تركني بالشارع و راح!! جا واحد كان موجود بالشارع وقف سيارته قدامي و قال لي .. اركبي الله يستر عليك و دليني وين بيتكم .. و الله بيني و بينك . انا وقتها ما كنت بعقلي و ركبت و شالني لبيتي و هو راح و ما دريت عنه شيئ, من ذاك الوقت و انا خايفة و عفت كل الرجال و الصراحة أكثر كل ما يجي أحد أتذكر اللي صار معي و يجيني الخوف انه ممكن يكون ذاك الرجال اللي ساعدني و دل بيتنا أو انه أي أحد من اللي بالشارع و خايفة من تهديده انه بيفظحني , اهلي سووا لي مشكلة وشكو فيني لاني دايم ارفض والحين متقدم لي عريس وقالولي ما راح نرده الا بسبب مقنع وانا مادري اش اسوي ابي مشكلتي ماذا اقول له ساعدوني... أنا خايفة!

الحل:لو لديك الوقت لطلبت منك الذهاب الى معالج نفسي لان هواجسك غير حقيقية فكل يوم ميت حادثة تحصل والنَّاس تنسى انسي انت واحتسبه الى الله وإبداعي حياتك ما حصل لك يحصل كثيرا المهم انك لم تستجيبي له وأنقذت نفسك ركزي على هذا والزوج الحنون والعلاقة الصحيحة ستجعلك تنسين ايام المراهقة وجنونها