زفافي على الأبواب وأنا ضائعة

المشكلة : سلام عليكم من فضلكم انا عندى مشكلة ومش عارفة احلها انا مخطوبة بس انا حالى مش كويس .. انا نفسيا متلخبطة ومش عارفة احكم على الامور ومش عارفة اذا كنت سعيدة ومبسوطة ولا لا ومرتاحة ولا لا ... انا بتضايق من خطيبى كتييير لان ليه طباع بتضايقنى اوى او بتخنقنى ... بس انا فى نفس الوقت عايزة حياه مستقرة وسعيدة انا بطبعى محبة للحياة غير ان بقى عندى احتياج شديد للجواز زائد انى محتاجة طفل ... انا مقدرش اقول انى مش بحبه رغم انى سعات كتيرة ببقى متلخبطة ... انا فقدت الحكم على الامور رغم ان عمرى ما كنت كدة ... هو المفروض جوازنا قرب فانا مبقتش عارفة الى انا حساه دة طبيعى او لا .... والدورة الشهرية من وقت ما اتخطبت وهى ملخبطة مرة متجيش ومرة تتاخر جدا وبردو انا عمرى ما كنت كدة ... حاسة انى متوترة بزيادة ومش عارفة دة عادى ولا لا ... حتى يوم ما نزلنا نشوف أماكن للفرح انا حسيت انى مش مبسوطة ومبقتش عارفة انا مش مبسوطة لوحدى ولا عشان انا اصلا حالتى النفسية بشكل عام مش كويسة .... كمان الى ملخبطنى اكتر ان بشكل عام انا فى حجات تانية فى الحياة ضاغطة عليا نفسيا ... بس برجع واقول حتى لو .. هو المفروض يبقى الجزء المريح فى حياتى ... انا مبقتش عارفة اعمل ايه ومبقتش عارفة انا عايزة ايه واكمل ولا لا ... يا ريت تفيدونى باراكم

الحل : وممكن يا عزيزي ما تشعر به ما هو إلا علامات لكي تعرف حقيقة خطيبها وأن العلاقة بينها وبينه غير مناسبة وسيكون مصيرها الفشل لانها قالت في بداة قصتها انها متضايقة من خطيبها وفي طباع فيه ماتعجبها