اشعر أني استعجلت بقرار الزواج

المشكلة: عمري 38 واب ل اربعه اولاد ابني الكبير عمره 13 سنة ... فجاه صرت احس اني استعجلت بقرار الزواج بعد 14 سنة من الزواج واربع ولاد ... شغلي تحسن وصار وضعي المادي ممتاز وصرت احس اني لازم اعيش حياتي بس بدون مسؤولية ... يمكن منكم هلاء مين يقول اني اناني وانه بس صار معي فلوس صرت ما بدي عيلتي... لا انا بحب عيلتي كتير وما بتخيل حياتي بدون ولادي ومرتي ... يمكن بحبها حب عشرة اكتر لمرتي بس بحبها... المشكلة مو اني حابب او بفكر باني اعيش قصة حب الموضوع بعيد عن خيالي ... بس الفكرة اني نفسي اسافر واطلع مع صحابي كتير واعيش حياة لحالي ... المفروض اني بكبر وبركز بس انا صار نفسي اجرب كل الي ما جربته قبل .. عمري ما فكرت بالطريقة هاي من قبل وعمري ما عشقت السفر والوحدة والحرية لو ممكن نسميها حرية بالعكس حياة المسؤولية كانت عاجبتني شو الي صار .. وكيف فجاه صرت انسان تاني مش عارف... خايف هالشعور يتطور وخايف لو حاولت اكتمه بالغصب تزيد رغبتي فيه من باب كل ممنوع مرغوب ... ولو صارحت مرتي فيه اكيد ما حتفهمني يمكن لو تعطيني شوي مساحة وتوافق اقضي نفسي ويروح الشعور بصراحة مش عارف .. حد يساعدني

الحل: شعورك طبعي جدا ، انت تزوجت بعمر ٢٥ في بدايه عمر الشباب وتحملت المسؤوليه مبكرا والآن قد مللت وتعبت قليلا.لا تخاف من شعورك فالإنسان عندما يكبر يتغير شعوره وتفكيره ،انت ليس إنسان تاني انت تعبان وتشعر بالملل ، أنا انصحك ان تسافر قليلا لوحدك وتجرب من دون ان تخبر زوجتك بشعورك حتى لا تجرح مشاعرها وتعطيها سببا للشك بك.من الممكن ان ترتاح وتستمتع بالسفر لوحدك وهو ليس عيبا ولكن من الممكن ان لا تحب السفر لوحدك وتشعر بالوحده بعيدا عن عائلتك ، المهم ان تكون معتدلا ولا تقم بتصرفات طائشة وحدك وتعطي نفسك حقوق التصرف كشاب عازب، تذكر دائماً انك رجل متزوج وقد انعم الله عليك بعيله جميله فحافظ عليها